Hefðum við Íslendingar verið ánægðari með bronsið ??????

Ég vaknaði í morgun til að horfa á leikinn, enn ekki hvað.  Vaknaði reyndar súper snemma þar sem frumburðurinn var sóttur hingað heim fyrir kl sjö í morgun en hann horfði á leikinn ásamt vinum sínum í Vodafon höllinni.  Ég verð að viðurkenna það að ég varð smá svekkt eftir leikinn...ég var svo svekkt yfir því að strákarnir okkar skyldu tapa.  Ég eiginlega velti fyrir mér hvort ég og örugglega margir Íslendingar hefðum verið ánægðari með  það að fá bronsið og í leiðinni enda keppnina með unnum leik.  Það sem situr í manni í dag er að enda þessa frábæru handboltaveislu með tapleik.  En þrátt fyrir að maður hafi verið vonsvikinn í dag, þá er  árangur íslenska handboltaliðsins algerlega frábær og sjálf fylltist ég þjóðarstolti þegar ég horfði á íslensku leikmennina fá verðlaunapening og rósir í morgun:)  Það er bara leiðinlegt að þetta sé búið og engin næsti leikur til að hlakka til.

Annars tíðindalítið héðan frá Breiðholtsbúum.... fórum í bíó í dag með þá tvo yngri og sáum myndina Wall E - .. Emil var svo spenntur yfir að fara í bíó að hann var farin að hlæja í auglýsingum fyrir myndina... ímynd hans af bíó er greinilega hlátur og gaman enda naut hann sýningarinnar.  Seinnipartinn í dag fengum við svo gesti, Vilborg, Gísli, Sigurður og Eyþór komu til okkar og borðuðum við saman í kvöld... bara gaman:)

En læt þetta nægja

Kolbrún 

 

Íslendingar taka við silfrinu

Athugasemdir

[Þóra Guðmundsdóttir, 24.8.2008 kl. 22:32]

Ég hugsaði það sama. Málið er það að Spánverjarnir kepptu í morgun um bronsið og unnu. Við unnum hins vegar silfrið á föstudaginn, en töpuðum í dag   Samt unnum við auðvitað.

[Guðmundur Þór Jónsson, 25.8.2008 kl. 00:12]

Vissiru ekki fyrirfram að þetta væri tapaður leikur?? Þeir voru að keppa á móti Frökkum.......kallar frá Frakklandi. Ég veðjaði á réttan hest og er 1000 kalli ríkari. Hafið það gott.

[Rebbý, 25.8.2008 kl. 00:14]

Alveg sammála þér Kolla mín, sárt að tapa í dag en auðvitað er silfur á OL frábær árangur og það má ekki gleyma því strax hvað þeir eru búnir að standa sig ótrúlega vel í þessari keppni.