Daginn í dag, daginn í dag, gerði pabbi minn, gerði pabbi minn

Þetta lag syngur yngsti sonur hástöfum hér heima á daginn.  Þetta er auðvitað lag sem hann upphaflega lærði á leikskólanum sínum og seinni tvær setningarnar eiga auðvitað að vera gerði Drottinn Guð, gerði Drottinn Guð, en yngsti sonur sem er mikill pabbastrákur er búin að breyta textanum (ætli hann hafi fengið einhverja hjálp til þess???)

Emil litli er búin að læra mikið á leikskólanum, alveg ótrúlega mikið, enda er það álit okkar foreldranna að hann sé á besta leikskóla í heimi.  Í dag var opið hús á leikskólanum hans og auðvitað fórum við stórfjölskyldan með honum á hátíðina í leikskólanum.  Það var frábært að sjá öll þau listaverk sem litla barnið mitt hefur verið að búa til í vetur og hann var svo stoltur af því að sýna okkur þetta allt.   Þetta listaverk er bara eitt að mörgum sem við sáum í dag. 

Leikskólinn er frábær undirbúningur fyrir skólagöngu seinna meir, leikskólinn er jafnvel farin að leggja inn stafi hjá mínum strák og er hann þó bara rétt þriggja ára. 

 

Fjölskyldugleðin hélt áfram í dag því að elsti sonur var að keppa á sundmóti Ármanns í dag.  Honum gekk rosalega vel og heldur keppni áfram á morgun. 

Set eina bræðra mynd inn í lokin svona til að fullkomna það endanlega hvað ég er stolt af strákunum mínum.  Myndin var tekin á leikskólanum í dag:)

Kolbrún out

Athugasemdir

[Jóna Á. Gísladóttir, 28.4.2007 kl. 21:26]

Þú lifir í sannkölluðu karla-ríki  eða er kannski önnur kvenkyns vera á heimilinu fyrir utan þig? Flottir strákar sem þið eigið.