Ekki er allt .... svo ekki boði eitthvað gott

Já, gubbupestin bauð sig velkomna hjá yngsta syni í fyrrinótt með tilheyrandi hita, þvottastandi og því sem fylgir óvelkomnum gesti.  Sem betur fer hafa ekki fleiri veikst... ENNÞÁ.

En ekki er allt með öllu íllt að ekki boði eitthvað gott....við fjölskyldan höfum eytt helginni heima fyrir vegna veikinda yngsta sonar.  Og ég er að segja það satt að við erum hreinlega búin að taka heimilið í nefið hvað varðar þrif.  Hér hefur allt verið þrifið hátt og lágt um helgina, eldhúsinnréttingin, rúmfötin, þvotturinn næstum búin, gólf skúruð og alles.... meira að segja svalirnar orðnar fínar:)  Og báðir bílarnir í innkeyrslunni þrifnir að utan og innan.  Ég er nú samt ekki að ýja að því að börnin ættu að vera oftar veik, þvert á móti.... en mikið rosalega líður manni vel þegar búið er að gera allt svona fínt. 

Sýndi meira að segja þvílíka húsmæðratakta í dag og bakaði tebollur fyrir fjölskylduna og lærið er í ofninum. 

Ekki séns að við leggjumst í neitt þunglyndi hér á bæ þótt við komumst ekkert út að kíkja á mannlífið.  Það kemur önnur helgi eftir þessa helgi....

Gleðilega nýja vinnuviku sem fer brátt að hefjast

Kolbrún

Athugasemdir

[Berta María (IP-tala skráð) 25.2.2007 kl. 20:47]

Þvílíkur dugnaður í minni. Þetta kallar maður sko að nýta tækifærin.....

Sjáumst hressar á morgun, hlakka til að eiga aðra vinnuviku með þér, enda leiðist okkur aldrei í vinnunni saman:)

Knús,
Berta