Blint kaffihús

Ég verð að deila með ykkur alveg ótrúlegri lífsreynslu.  Ég fór í dag á blint kaffihús í Hinu Húsinu.  Blint kaffihús er kaffihús eins og önnur kaffihús, nema að það er aldimmt þar inni.  Blindur maður tók á móti okkur og leiddi okkur að borði og við fengum okkur kakó í svartamyrkri.  Þetta var ótrúlega skrýtin lífsreynsla og skrýtið að finna að hvað heyrnin varð miklu sterkari, maður heyrði allskonar hljóð allsstaðar. 

Þegar ég fer á kaffihús, þá er það örugglega ómeðvitað að kíkja á bollana sem maður fær til að athuga með óhreinindi og svoleiðis, og ég fann að mér fannst óþæginlegt að geta ekki séð neitt ofan í bollan sem mér var rétt, heldur varð ég að treysta þjóninum algerlega. 

En skemmtilegt að hafa upplifað þetta og á sama tíma fer maður að meta sjónina meira, hvað hún er undursamlegt fyrirbæri.  En markmiðið með blindu kaffihúsi er að upplifa heim blinds einstaklings. 

Kolbrún bloggar

Athugasemdir

[Guðný Anna Arnþórsdóttir, 23.2.2007 kl. 21:20]

Frábært, takk fyrir að deila þessari reynslu með okkur.