Mamma, það er erfitt að læra að lesa !!!

Það var stór stund hjá yngsta syni í kvöld.  Stund sem hann hefur reyndar beðið eftir í langan tíma.  Hann fór í sinn fyrsta "lestrartíma" hjá pabba sínum, fjögurra ára gamall.    Hann hefur lengi lengi haft mikinn áhuga á stöfum og kann þá alla fyrir löngu síðan, til að mynda lærði hann að skrifa nafnið sitt fyrir ári síðan.  Og núna hefur hann óskað eftir að stíga skrefið til fulls og læra að lesa úr stöfunum... Þeir feðgar ætla að hafa sína lestrartíma á kvöldin, strax eftir kvöldmatinn og í dag fóru þeir saman á bókasafnið í Gerðubergi til að finna svona einfaldar kennslubækur í lestri, fyrir byrjendur. 

Ég er auðvitað voða ánægð með það að yngsti sonur sæki það svona stíft að læra að lesa.  Ég er líka á þeirri skoðun að þau börn sem kunna að lesa áður en þau fara í skóla séu með ákveðið forskot inn í grunnskólann.  En auðvitað verða börnin að finna þetta sjálf, yngsti sonur telur sig tilbúinn... pabbi hans var læs þegar hann var fjögurra ára gamall... þannig að nú verður gaman að sjá hvernig þeim yngsta á heimilinu gengur.

Hann reyndar tilkynnti mér það eftir lestrartíma kvöldsins að það væri erfitt að læra að lesa.. krúttið.

 

 

Annars er tíðindalítið héðan af heimilinu...... allir að gíra sig upp fyrir leikinn á morgun, það verður spenna og skemmtun, hvernig sem fer.

Setjum upp smá skoðunarkönnun hér í kommentakerfinu... hvernig fer leikurinn á morgun?  

Kommenta svo....

 

Out

Kolbrún 

 

Athugasemdir

[Vilborg, 22.8.2008 kl. 00:32]

Emil flottur

Við vinnum svo leikinn en hvernig.....hmmmm....31-29 kannski???

Heyri í þér bráðlega

[Anna Gísladóttir, 22.8.2008 kl. 03:15]

Við vinnum þetta ! Er þaggi ???   Ca. 28 - 24

[Guðmundur Þór Jónsson, 22.8.2008 kl. 03:17]

Sé snúðinn alveg fyrir mér með bókina "Litla gulan hænan" hann verður fluglæs áður en þið vitið af!!! Við vinnum leikinn marr. Don't worry be happy Góða helgi og hafið það gott.

[Guðný í Mosó (IP-tala skráð) 22.8.2008 kl. 07:54]

Strákarnir okkar vinna leikinn 28-27.

[Berta María Hreinsdóttir, 22.8.2008 kl. 12:25]

Emil ekkert smá duglegur að læra að lesa:)

Ég giska á að strákarnir vinni leikinn 23-25:)

[Guðborg Eyjólfsdóttir, 22.8.2008 kl. 23:41]

Snillingar þessir drengir okkar, takk fyrir síðast buy the way :)