Nóg að gera....

Í dag fengum við góða gesti frá Íslandinu... Anna Gísla kom hingað með mann og börn og foreldra og var slegið upp vöffluveislu hér á Ranunkelvej.  Það er alltaf svo gott að hitta fólkið sitt frá Íslandi og ég sannfærist alltaf betur og betur um að ég á heima á Íslandi og hvergi annarsstaðar.  Ég hlakka mikið til að koma heim til Íslands. 

Þegar gestirnir okkar kvöddu fórum við í fjölskylduferð á Engblommevejin til að fá að sjá aðeins litla Ragnarsson.... ég get ekki lýst því hvað hann er yndislegur.  Emil var hálf feiminn við hann, enda að sjá hann í fyrsta sinn.  Fannst hann voða lítill "svona eins og mús" orðaði hann það mjög skemmtilega.  Segjum bara að hann hafi verið að meina krúttmús... heh.   Auðvitað hafði samt Emil mestan áhuga á Hermanni og heilsuðust þeir eins og drengir sem höfðu ekki séð hvern annan  í  langan tíma, jafnvel þótt þeir hafi verið í leikskólanum saman í allan dag... krúttlegir þessir strákar.

Seinnipart dagsins fengu svo unglingarnir á heimilinu en þeir vildu fara í hjólabrettabúðina og kaupa stuttermabol.... og auðvitað eru þeir mestu töffararnir  í dag.  

 

Við kveðjum í kvöld héðan frá Horsens.... nokkrar nýjar myndir í nýju albúmi

Kolbrún og family 

Athugasemdir

[Dóra (IP-tala skráð) 7.7.2008 kl. 20:31]

Góða heimferð Kolla mín og fjölskylda. Við erum að fara út á fimmtudaginn til Noregs og Krítar ætlum að gista hjá Guðrúnu og co aðfaranótt fimmtudagsins. Hlakka rosalega til að fara í frí, var að klára síðustu vaktina á þá bara eftir að ganga aðeins frá á morgun pappírsvinnu. Sjáumst svo í haust:)