Ég vaknaði upp við vondan draum sem var svo ekki draumur !!!

Svefnpurkan ég, fer yfirleitt alltaf á undan manninum mínum að sofa og er jafnvel búin að sofa í marga klukkutíma áður en hann kemur uppí.  Eina nóttina í síðustu viku vaknaði ég upp með andfælum og hélt að mig væri að dreyma.  Ég nefnilega vaknaði við það að það var lamið á rúmið mitt af öllum lífs og sálarkröftum.  Og þegar ég opnaði augun, sá ég manninn minn halda áfram að lemja rúmið með stóra bók að vopni.  Hólí mólí hvað mér brá og hálf hvæsti á hann hvað hann í óskupunum væri að gera.  Jú... hann ætlaði að fara að sofa og tók sængina af lakinu og þá mætti honum stærðar kónguló á lakinu sem hafði hreiðrað um sig undir sænginni hans.  Og mátti hann hafa sig allan við að ná að drepa hana áður en hún fór yfir til mín, þar sem ég var steinsofandi.  Þvílíkt ógeð að fá svona kvikindi upp í rúm... ég kæri mig ekki um að deila rúmi með neinum nema manninum mínum og stundum litla Emil.  Síðan þetta var get ég ekki farið að sofa á kvöldin án þess að kveikja ljósið og marghrista sængina mína áður en ég get farið uppí.  En kónuglærnar hafa trúlega orðið hræddar við húsbóndann og hafa því haft sig hægar heh.

Annars er bara allt fínt að frétta af okkur.  Hér heldur pökkunin áfram að fullum krafti og svo hlökkum við til helgarinnar, mikið plan í gangi fyrir hana.

En ég býð góða nótt

Kolbrún 

Athugasemdir

[Rebbý, 26.6.2008 kl. 20:55]

já  frekar leiðinlegt að deila rúmi með pöddum ... lenti oft í því í vesturbænum í gamla daga enda ekki vel farið timburhús sem ég bjó í þar

[Helga Jónsdóttir, 26.6.2008 kl. 21:33]

Oj bara ullabjakk.  Held ég myndi samt vilja frekar deila rúmi með kónguló heldur en mus eins og pabbi gerði einu sinni úti á Kanarí

[Jóna Á. Gísladóttir, 30.6.2008 kl. 19:53]

ARGH