Við erum að tala um hæstu einkunn !!!!!!!

Í dag er dagurinn  sem maður sér raunverulega tilganginn með því að hafa búið í Danmörku í eitt ár.  Upphaflega ákváðum við að flytja til Danmerkur vegna þess að maðurinn minn fékk ekki inngöngu í KHÍ vegna vöntunar á stúdentsprófi en hann hefur lengi lengi langað að nema Þroskaþjálfafræði.  En Danirnir buðu hann velkominn í námið og hóf hann nám í pædagog (þroskaþjálfa) síðastliðið haust.

Við fluttum hingað út síðasta sumar og vorum við þá öll alveg mállaus á dönsku.  Nú tala allir dönsku nema húsfrúin, því maður lærir víst ekki nýtt tungumál með því að vera taxidriver og skúringarkona.

Í dag tók svo húsbóndinn á heimilinu lokaprófið sitt á fyrsta árinu.  Um var að ræða fyrst fremmleggelse og svo einstaklings munnlegt próf í 20 mínútur.  Þið getið ekki ímyndað ykkur hvað hann er búin að leggja mikið á sig í vetur og í dag uppskar hann ríkulega.  Hann fer út úr skólanum með hæstu einkunn eftir fyrsta árið... 12 í einkunn en ekki er hægt að fá hærri einkunn við skólann hans.  Þvílík hamingja á heimilinu... enn sem komið er er engin bekkjasystkina hans búin að fá hæstu einkunn eftir skólaárið. 

Það hefur því verið tilefni til að fagna í dag og það höfum við svo sannarlega gert.  Lestur undanfarinna vikna hefur að sjálfsögðu bitnar mest á fjölskyldunni og því er það bara eðlilegt að fagna árangrinum með henni.  Við fórum því í dag með alla strákana okkar á Pizza Hut, hlóum og höfðum gaman.  Komum svo við í vínkjallaranum hér í Horsens þar sem fjárfest var í góðu viskí og kúbuvindli.  Huggulegt?

Mátti til með að deila þessu með ykkur... ég er örugglega stoltasta eiginkona í heimi í dag heh.  Nú er bara að halda áfram en það ætlar eiginmaðurinn að gera í fjarnámi við háskóla í Kaupmannahöfn.  

Framundan er svo að pakka niður og græja húsið... og svo þarf dúx dagsins að finna sér vinnu á Íslandi... 

Over og out

Kolbrún og family 

Athugasemdir

[Dóra (IP-tala skráð) 24.6.2008 kl. 17:42]

Glæsilegt, innilega til hamingju

[Berta María Hreinsdóttir, 24.6.2008 kl. 19:56]

Innilega til hamingju með kallinn....hann átti þetta svo sannarlega skilið

[Dóra Valg (IP-tala skráð) 24.6.2008 kl. 20:06]

Ooohhh, það er svo góð tilfinning þegar maður fær góða einkunn eftir að hafa legið yfir bókunum. Innilegar hamingjuóskir með eiginmanninn.

[Erla V (IP-tala skráð) 24.6.2008 kl. 20:47]

  Flott flott til hamingju med maninn. Til hamingju Hlynur  Erla

[Helga Jónsdóttir, 24.6.2008 kl. 21:45]

Frábær árangur.  Innilega til hamingju með bestu einkunn Hlynur minn.  Frekari hamingjuóskir bíða til laugardags.  Hlökkum mikið til að koma.

Kv, Helga og co

[Særún (IP-tala skráð) 24.6.2008 kl. 22:22]

Til lukke med það besta!!! Ég vissi að þú gætir þetta Hlynur bara byrja.

Hlakka til að fá ykkur heim.

ég tel niður dagana í sumarfrí sem byrjar í næstu viku annars er Anika hjá ömmu og afa svo að við erum bara 3 núna og er sæla.

kv Særún

[Guðmundur Þór Jónsson, 24.6.2008 kl. 23:48]

Hlynur innilega til hamingju með árangurinn. Kolla til hamingju með bóndann. Hafið það gott.

[Anna Gísladóttir, 25.6.2008 kl. 03:12]

Til hamingju með þennan frábæra árangur hjá bóndanum þínum
Hafið það eins gott og þið mögulega getið !

[Rebbý, 25.6.2008 kl. 13:18]

Til lukku með bóndann og auðvitað til lukku Hlynur !!!
Frábær árangur og svo snökkum við bara dönsku upp á íslenskuna þegar við hittumst næst Kolla mín

[Guðný í Mosó (IP-tala skráð) 25.6.2008 kl. 16:38]

Til hamingju með karlinn, og gangi ykkur vel að pakka ,bara 24 dagar eftir