Viljið þið uppskrift??

Maður á alltaf að deila með sér, því sem er að virka.  Tengdaforeldrar mínir hafa gefið mér flestar af okkar bestu uppskriftum.  Þau gáfu mér uppskrift af franskri súkkulaðiköku með fílakaramellukremi um daginn og hún er bara góð:)

Frönsk súkkulaðikaka með fílakaramellukremi

4 egg

2 dl sykur

Þeyta vel saman

200 gr suðusúkkulaði

200 gr smjör

1 dl hveiti, hræra varlega saman við

Setja í 26 cm lausbotna form, bakist við 180° C hita í 30 mínútur

Krem

20 fílakaramellur

1 dl rjómi

Brætt í potti, ekki sjóða, hellt yfir kökuna

Borið fram með jarðarberjum rjómaís eða léttþeyttum rjóma

Ég setti kökuna sjálf í hringlaga rifflað eldfast form og þá þurfti ég ekki að taka hana úr forminu áður en ég bar hana fram, heldur bar hana fram í mótinu sjálfu... bara snilld.

Verði ykkur að góðu.

Athugasemdir

[Inga Dóra, 5.5.2008 kl. 19:28]

namm namm ég þarf að prófa þessa

[Kolbrún Jónsdóttir, 5.5.2008 kl. 19:33]

ohhh ég gleymdi að taka það fram að suðusúkkulaðið er að sjálfsögðu brætt með smjörlikinu og því ásamt hveitinu blandað saman með sleif

[Guðmundur Þór Jónsson, 5.5.2008 kl. 21:21]

MMMMMMMMMMMMMMM. er kominn með VATN í munninn!!! Get ekki beðið eftir að liggja í kistunni. Hafið það gott.

[Guðný Anna Arnþórsdóttir, 5.5.2008 kl. 21:56]

Kærar þakkir, uppskriftin er komin í uppskriftamöppuna mína.

[Rebbý, 6.5.2008 kl. 19:39]

hætt að hafa læst?
hlakka til að smakka hana þessa hjá þér á klakanum næsta vetur

[Vilborg, 7.5.2008 kl. 23:39]

Er hægt að panta svona þegar maður kíkir í kaffi

KNÚS