Það var fyrir 15 árum..... og það var fyrir 11 árum

Já, þokkalega stór dagur hjá fjölskyldunni minni í dag.

Það var fyrir 15 árum í dag, sem við Hlynur rugluðum saman reitum og urðum svona kærustupar.  Við hittumst á Skálatúnsheimilinu í Mosfellbæ, þar sem ég var nemi í þroskaþjálfun og hann var starfsmaður við heimilið.  Hann tók á móti mér, nemadruslunni, í síðum frakka og með sítt hár og í grænum gallabuxum og mér fannst hann bara æði.   Í dag er hann orðin þroskaþjálfa nemadruslan (NB Hlynur bjó þetta orð til sjálfur) en hann er samt alltaf jafn mikið æði:)

Það var svo fyrir 11 árum að miðsonurinn Hafsteinn ákvað að kíkja á heiminn á þessum sama degi sem er bara yndislegt.  Hafsteinn er mjög spenntur fyrir deginum í dag og hefur beðið hans með óþreyju í langan tíma, enda mikið fyrir að eiga afmæli.  Hann er búinn að bjóða nokkrum vinum sínum hingað heim í dag í barbeque (hmmm við héldum að sumarið væri komið og nú mígrignir... eins gott að það verði bara fram að hádegi... allavega sagði Svavar það sko).  Við eigum svo von á fólki líka í kvöld þannig að það verður tilstand á heimilinu í dag.... en þið vitið að ég hef bara gaman af því:)

Ef vel liggur á mér, þá er ekki ólíklegt að ég hendi inn annarri færslu í kvöld og jafnvel myndum frá þessum ágæta degi.

Eigið góðan dag í dag...

Kolbrún 

 

Athugasemdir

[Berta María Hreinsdóttir, 17.4.2008 kl. 11:31]

Til lukku með daginn ykkar elsku hjón og með stóra strákinn ykkar.

Sjáumst hress í kvöld:)

[Dóra (IP-tala skráð) 17.4.2008 kl. 12:57]

Til hamingju með daginn:)

[Inga Dóra, 17.4.2008 kl. 15:52]

til lukku með daginn :)

[Vilborg, 17.4.2008 kl. 17:56]

Til hamingu með daginn öllsömul!

[Guðmundur Þór Jónsson, 17.4.2008 kl. 18:35]

Innilegar hamingjuóskir með daginn Hafsteinn, sömuleiðis Kolla og Hlynur. Skemmtið ykkur vel í kvöld. Hafið það gott.

[Kristbjörg Þórisdóttir, 17.4.2008 kl. 23:14]

Innilegar hamingjuóskir með drenginn kæra fjölskylda. Vona þið hafið notið dagsins .

Kær kveðja frá Kiddu.

[Kristbjörg Þórisdóttir, 17.4.2008 kl. 23:14]

Innilegar hamingjuóskir með daginn Hafsteinn minn. Vona að þú hafir átt góðan dag.

Kær kveðja frá Árósum!

[Anna Gísladóttir, 18.4.2008 kl. 04:46]

Til hamingju með soninn

[Rebbý, 18.4.2008 kl. 18:09]

vá eru þá orðin rúm 15 ár síðan við sátum með Finni á veitingastaðnum á Sprengisandi að kaupa endalaust mat því öðruvísi fenguð þið ekki bjór og vorum að leggja á ráðin hvernig þú gætir náð í Hlyn  hahahaha  .... yndisleg minning

til lukku með afmælið Hafsteinn ..... vona að dagurinn hafi verið æðislegur hingað til og kvöldið verði flott líka