Mamma, er það region 1 land eða region 2 land???

Hann miðsonur minn er alveg kostulegur stundum.  Húsbóndinn á heimiliu er að fara til New York á morgun og í heila viku.  Ég átti reyndar erfitt með að skrifa síðustu setningu hreinlega, því að mér vex það svo í augum að vera ein með heimilið í heila viku.  En hvað með það.... Hafsteinn spurði mig að því í dag hvort að pabbi væri að fara í region 1 land eða region 2 land.  Ég verð að játa fávisku mína að ég tengdi ekki alveg strax hvað hann var að meina.  En svo fattaði ég auðvitað að þetta væri spurning um dvd myndir og tölvuleiki, hann vildi tryggja það greinilega að pabbi myndi koma með eitthvern glaðning heim að viku liðinni.  Ég reyndar gat ekki svarað spurningu sonarins í þetta skiptið, enda hef ég ekkert vit á þessum málum.  

En spurninginn kom mér til að íhuga aðeins, hvað er að gerast með börnin okkar í dag.  Þau hugsa svo mikið um bíómyndir og tölvuleiki að þau eru farin að skipta löndum upp eftir því á hvaða formi dvd myndir og tölvuleikir eru skrifaðir á diska.

Við þurfum kannski aðeins að fara að íhuga þessi mál á þessu heimili, hvort þetta sé nokkuð gengið út í öfgar:(  

Out

Kolbrún