Kaffibolli á leikskólanum

Emil minn er á alveg hreint frábærum leikskóla, Jöklaborg.  Með eldri strákana mína prófuðum við nokkra leikskóla, þar sem við vorum svo mikið að flytja á þeim árum.  Engin leikskóli kemst nálægt því að vera eins góður og leikskólinn hans Emils í dag að mínu mati.  Það er hreinlega sérvalið starfsfólk í öllum stöðum og virkilega vel hugsað um hann.  

Það er hefð í leikskólanum hans að einu sinni í mánuði er kaffidagur á leikskólanum.  Þegar maður nær í hann á daginn, þá er manni boðið inn á deildina, barnið býður foreldrum sínum upp á kaffi og maður fær tækifæri til að sjá hvað börnin eru að gera á leikskólanum og tala við aðra foreldra og auðvitað starfsmennina.  

Í dag var einmitt kaffidagur á leikskólanum og það er í fyrsta sinn sem ég tek þátt með Emil.  Pabbi hans fór síðast.  Emil var greinilega farinn að bíða eftir að mamma sín léti sjá sig, því það voru nokkrir foreldrar þegar komnir í kaffið.  Þegar hann sá mig, rauk hann upp úr stólnum sínum og sagði mér að hann ætlaði að gefa mér kaffi, og ég sem eiginlega drekk ekki kaffi, varð að þiggja einn kaffibolla.  Hann  náði sér svo í eins glas og ég, fór í kranann og náði sér í vatn og settist eins og prins við hliðina á mér.

Mér finnst þetta frábær hefð og gerir nálægðina meiri fyrir foreldra að fá að fylgjast með því sem börnin manns eru að gera.

Kolbrún out

Athugasemdir

[Berta María (IP-tala skráð) 27.10.2006 kl. 16:36]

En sniðugt.....ég sé ykkur alveg í anda, sitja með bollana ykkar og spjalla:)