Samræmdu prófin

Hafsteinn er að fara í samræmdu prófin núna á fimmtudaginn og föstudaginn og allflest kvöldin í vikunni og hinni vikunni hafa farið í að reikna út úr gömlum prófum sem hann hefur fengið til æfingar með sér heim.  Mér finnst reyndar soldið skrýtið að 9 ára börn þreyti samræmd próf.  Börn á þessum aldri eru bara ekkert öll orðin fluglæs og lesskilningurinn ekki orðin nógu góður.  En hann reynir að standa sig vel, þótt hann sé orðin frekar þreyttur á öllum þessum æfingarprófum.

Sjálf fór ég bara í ein samræmd próf, í 9 bekk og þótti það svo merkilegt að lífið í 9. bekk snérist um þessi blessuðu próf, enda talið að þau væru aðgöngumiðinn inn í réttu framhaldsskólanna.  Ég verð svo sem að játa það að ég féll í ensku á mínum samræmdu prófum en skreið upp í 5 með mjög góðri kennaraeinkunn.  Jafnvel þótt mamma og pabbi væru búin að kaupa fyrir mig aukatíma hjá námsflokkunum allan veturinn, var ég bara ekki að ná þessu tungumáli.  En ég gat nú samt valið mér þann framhaldsskóla sem ég vildi:)

En best að hjálpa Hafsteini að þreyta próf kvöldsins

Kolbrún