Kallinn kominn á pilluna

Svona vildi elskulegur maðurinn minn að yrði fyrirsögnin á færslu kvöldsins, hann hefur húmor fyrir sjálfum sér, það vantar ekki.

En það er ekki af góðu sem blessaður kallinn er kominn á pilluna.  Hann var að keyra heim frá vinnu um miðjan dag í dag, þegar hann lenti í því að það var keyrt aftan á hann.  Hann var þá nýstoppaður vegna umferðartafa í Vejle.  Sá sem var fyrir aftan hann hafði greinilega ekki áttað sig á því að það væri allt stopp og dúndraði aftan á Hlyn.  Hlynur er sem betur fer ekki stórslasaður, en hann fékk hnykk við höggin og kennir sér meins í hálsi, öxlum og niður á bakið.  Hann fór á slysadeildina og var útskrifaður með pilluna eins og hann kallar hana, en auðvitað er um að ræða bólgueyðandi töflu.  Hann á svo að koma aftur í tékk á mánudaginn og byrja svo strax í sjúkraþjálfun.   Bíllinn okkar.... tja það sér þónokkuð á honum, bæði aftan á honum og framan á honum.... við höggið af aftanákeyrslunni kastaðist okkar bíll framan á bílinn fyrir framan. Bíllinn sem keyrði á Hlyn var óökufær á eftir, þannig að eitthvað hefur höggið verið

 

 

 

 

 

 

 

 

 

 

 

Orsökin á þessari töf í Vejle í dag, var slys á Vejlefjordbroen , sjá  http://www.112alarm.dk/2008/broen22/broen22/htm

 

 

 

 

 

 

 

Það er mjög algengt að það séu slys á Vejlefjordbroen.  Ástæðan er vafalaust sú að ökumenn eru uppteknir á brúnni við að skoða hina stórglæsilegu Vejle borg, sem sést svo vel af brúnni og útsýnið alveg frábært.  Ég hef oft sagt það að Vejle sé fallegasta borgin á Jótlandi og er það vegna þess hve fallegt er að horfa á borgina af brúnni.

Það eina sem skiptir okkur máli núna er að Hlynur slasaðist ekki meira:)

Out

Kolbrún 

 

Athugasemdir

[Anna Gísladóttir, 22.2.2008 kl. 19:41]

Mikið er gott að karlinn slasaðist ekk mikið.  Nú verður þú að vera extra góð við hann

[Berta María Hreinsdóttir, 22.2.2008 kl. 20:45]

Vonandi verður Hlynur fljótur að jafna sig....skelfilegt að lenda í svona. Guði sé lof að þið strákarnir voruð ekki líka í bílnum og að Hlynur skyldi ekki meiðast meira.

Vonum að pillurnar virki vel:)

[Guðborg Eyjólfsdóttir, 22.2.2008 kl. 23:08]

Guði sé lof fyrir að þetta varð ekki alvarlegra, og hann hafi bara þurft að fara á pilluna eftir þetta allt saman :)

[Helga Jónsdóttir, 22.2.2008 kl. 23:30]

Gott að Hlynur slasaðist a.m.k. ekki alvarlegra en þetta.  Ég sá fyrir mér að ástæðan fyrir því að hann væri kominn á pilluna væri sú að það hefði GAY einstaklingur keyrt aftan á hann sko , en það var áður en ég las bloggið til enda.  Ætli hugmyndin hafi verið sú að láta fólk halda það með fyrirsögninni  ?

[Guðmundur Þór Jónsson, 23.2.2008 kl. 00:10]

Æi greyið Hlynur. Vonandi nærðu þér fljótt félagi. Á ekki bara taka viskí og vindil á þetta. Ég skil MJÖG VEL að fólk horfi á Vejle borgina frá brúnni, ég gæti horft á hana tímum saman. Hafið það gott og Hlynur vanandi jafnaru þig. Ég skulda þér líka nudd.

[Gunna og co (IP-tala skráð) 23.2.2008 kl. 10:09]

Hæ  og æ

Góðan bata. Og hafið það gott.

Hæ og æ!  Hafið það gott annars og góðan bata Hlynur.

Kveðja, Gunna

[Rebbý, 24.2.2008 kl. 00:21]

vonum að hann jafni sig svo þetta verði ekki meira en pillan í nokkra daga og smá sjúkraþjálfun.
trúi ekki öðru en þú og strákarnir verðið dugleg að stjana við pabba "gamla"