Helgin í Horsens

Sunnudagskvöld.... þreytt sunnudagskvöld.  Þvílíkt at sem hefur verið þessa helgi:)  En samt rosa skemmtileg helgi.

Við byrjuðum helgina á því að fara með Gumma til Þýskalands.  Það var bara skemmtilegt að eyða þessum degi með Gumma... hellingur verslað í Þýskalandi og við fórum sátt aftur yfir til Danmerkur.  

Þegar við komum aftur yfir, þá fórum við beint í matarboð til Bertu og Ragga og eftir matinn var slegið upp heljarins partý sem stóð fram á nótt.  Gummi auðvitað reytti af sér brandarana, spilaði út Tópas og Ópal skotum og ég hreinlega fékk verki í magann eftir sumar hlátursrokurnar.  Gummi reyndar vildi kannski ekki láta staðar numið í skemmtanaiðnaðinum um leið og við gamla fólkið, þannig að hann endaði kvöldið á skemmtistað í Horsens, ekki lítið úthald þar á bæ:)  

Gærdagurinn var tekin snemma, þrátt fyrir lítinn svefn um nóttina... enda tilefnið að undirbúa næsta djammkvöld... nefnilega Mosaþorrablótið sem var heima hjá okkur í gærkvöldi.  Raggi hafði smíðað þorratrog, alveg eins og tengdaforeldrar mínir eiga.  Þau eignuðust þorratrog þegar þau voru ung og hafa notað það hvern einasta þorra síðan.  Í lok máltíðar eru svo allir sem borðuðu upp úr troginu beðnir um að skrifa nafnið sitt undir trogið og því hafa skapast margar góðar minningar á þeirra þorratrog.  Okkar trog var afmeyjað í gærkvöldi og búið að skrifa þá fyrstu undir trogið sem nutu matar úr því.  Maturinn í gærkvöldi var góður... við vorum ekki neitt að eltast við súrmat en vorum með þeim mun meira af hangikjöti og flatkökum, rúgbrauði, sviðum og slátri...og mjög margt fleira, enda bakkinn fullur af mat:)  

Eftir matinn var svo gítarinn dreginn upp og var spilað og sungin gömul og góð útilegulög.... farið í singstar og haft gaman.  Þegar líða tók á kvöldið fengu sumir ball fiðringinn og því var ákveðið að skreppa á ball sem var hér í nágrenninu á vegum Íslendingafélagsins hér í Horsens... við náðum síðasta hálftímanum en það var bara skemmtilegur hálftími.  Hljómsveitin Bermuda var að spila fyrir dansi og þótt mér hafi bara fundist hún svona lala, þá skilst mér að hún hafi verið með mikið fjör í gærkvöldi.  Það var svo auðvitað endað í eldhúspartý eftir ballið og farið að sofa kl hálf fimm.....uss

Það var því þreyttur sunnudagur í dag því að Emil minn vaknar bara á sínum tíma, alveg sama þótt foreldrar hans séu þreyttari en aðra daga.  Ég tók vaktina í morgun og sem betur fer var Emil hreinlega eins og hugur minn til kl 11, en þá var pabbinn á heimilinu vakinn.  

 

 

Nú er Gummi að fara aftur heim til Íslands í fyrramálið.... það hefur verið gaman að njóta félagsskapar hans í þessa daga.  Best að setja sig í gírinn að hversdagsleikinn tekur alltaf við aftur.  Ég ætla að skreppa aðeins og kveðja Gummann...

Fullt af myndum í nýju albúmi frá helginni í Horsens

Kolbrún out 

Athugasemdir

[Rakel Linda (IP-tala skráð) 17.2.2008 kl. 18:22]

Elsku Kolla :)

Takk kærlega fyrir kvöldið, það var bara gaman hjá okkur. Maturinn frábær, gestgjafarnir frábærir, gestirnir frábærir og allt æðislegt..

Langt síðan ég hef skemmt mér svona vel...

[Guðborg Eyjólfsdóttir, 17.2.2008 kl. 18:56]

Glæsilegt hjá ykkur. Eins og ég sagði fyrir helgi þá vildi ég að ég hefði verið með ykkur þarna, en var þar í anda :) enda var ég dauðþreytt þegar ég vaknaði í morgunn haha

[Kristbjörg Þórisdóttir, 17.2.2008 kl. 20:36]

Elsku Kolla og fjölskylda,

ástarþakkir fyrir allan þorramatinn og góða skemmtun.

Ég meira að segja öll að koma til í singstar eða frá því að vera Tone Deaf í það að vera Hopeful.

Og Hlynur, kærar þakkir fyrir að þrasa við þá þýsku fyrir mig og redda skónum!

ykkar Kidda.

[Berta María Hreinsdóttir, 18.2.2008 kl. 13:50]

Takk fyrir snilldar þorrablót elsku Kolla og Hlynur.....frábær matur hjá ykkur. Hefði sko viljað fara með á ballið og syngja meira í Singstarinu, en það verður bara næst hehe:)

[Guðmundur Þór Jónsson, 18.2.2008 kl. 20:57]

Ástarkveðjur fyrir mig. Hlakka til að koma aftur. Hafið það gott.