Brettastrákurinn Jón Ingi

Það fer ekki fram hjá okkur á heimilinu aðaláhugamál elstasonar.  Ég held reyndar að það fari ekki fram hjá neinum sem býr í hverfinu okkar.  Hjólabretti - Hjólabretti - Hjólabretti.  Það er þokkalegur hávaði sem fylgir þessari "íþrótt" og elsti sonur er gersamlega óþreytandi að æfa stökkin og ollin og hvað þetta heitir allt.  Á kvöldin horfir hann svo á vídeóklippur með hjolabrettastrákum. 

Í gær fór Jón Ingi með pabba sínum í hjólabrettabúð.  Hjólabrettið hans "gamla" (sem er samt ekki gamalt sko) var orðið ónýtt og ætlaði hann að fjárfesta sér í nýju bretti.  Pabbinn var sko fengin með til halds og trausts en það er skemmst frá því að segja að pabbinn gat ekki veitt neinar ráðleggingar, enda segist hann ekki hafa neitt vit á hjólabrettaíþróttinni.  Það sem aftur á móti vakti athygli pabbans á meðan hann var í búðinni var að búðin var full af litlum Jónum... það er full af strákum á aldur við Jón Inga sem allir voru með bretti og með buxurnar á hælunum.  Það að vera með buxurnar á hælunum er eitt af því sem ég skil ekki við þetta allt saman. Finnst strákunum virkilega flott að láta sjást í nærbuxurnar?  Finnst stelpunum þetta kannski flott?  Það er ekki að marka svona mömmur fæ ég að heyra þegar ég bið frumburðinn um að hysja upp um sig buxurnar, þær skilja ekki svona.  Ég svaraði honum eitt sinn að ég hafi nú líka einu sinni verið unglingur og ekki stóð á svari frá honum... já, en þú hefur aldrei verið strákur.

Þar hafið þið það....  

Setti nokkrar myndir í nýtt albúm

Kolbrún 

Athugasemdir

[Rebbý, 12.2.2008 kl. 19:14]

vissulega varstu ekki strákur, en við vorum nú ekki alltaf smekklegust í tískunni, föðurland, gaddabelti og svartur varalitur - þarf ég að telja upp fleira 

[Guðmundur Þór Jónsson, 12.2.2008 kl. 21:01]

Hann er bara flottastur hann Jón Ingi þinn. Hlakka GEGT til að sjá ykkur eftir nokkra klukkutíma!!! Jibbi!!

[Kolbrún Jónsdóttir, 12.2.2008 kl. 21:12]

OMG ekki minna mig á svarta varalitinn....

Núna á ég líka samt svartan varalit en hann hefur bara verið notaður á öskudaginn heh 

[Guðborg Eyjólfsdóttir, 12.2.2008 kl. 21:46]

Úff maður var nú í alkonar múderingum þegar maður var á þessum aldri, mér finnst þessi dissara tíska bara cool 

[Vilborg, 12.2.2008 kl. 23:32]

Ég fíla mig svo gamla þegar ég er að reyna að fá Sigurð til þess að hífa upp um sig buxurnar....þeir eru greinilega á svipaðri bylgjulengd hvað þetta varðar!

Knús á ykkur

Ps. hvernig er statusinn hjá ykkur í maí?