Á Þorláksmessu

Til margra ára höfum við fjölskyldan safnast heima hjá foreldrum mínum að kvöldi Þorláksmessu og borðað saman skötu.  Þorláksmessan hefur svo þróast með árunum og eru komnar fleiri hefðir inn á þetta kvöld.  Tildæmis býr pabbi alltaf til skötu snafsaglös með ártali sem allir fá að taka með sér heim.  Jólasveinn er fengin um kvöldið fyrir börnin, tekin eru jólalög með honum og hann gefur börnunum smá gott.  Á þessu kvöldi hefur maður fundið svo vel að jólin eru að koma. 

Við söknum þess að vera ekki á Íslandi í kvöld með fjölskyldunni.  Við vitum að okkar er líka saknað.  En það þýðir ekkert að leggjast í eymd og volæði.... skötuna fengum við í dag hjá Íslendingafélaginu í Horsens.  Haldin var stór skötuveisla í hádeginu og boðið var upp á skötu, saltfisk og pylsur.  Það voru 220 manns sem borðuðu hér saman í dag og heppnaðist dagurinn mjög vel.  Þegar verið er að elda skötu ofan í svona margt fólk, þýðir ekki mikið að setja fiskinn í pott og kveikja undir.  Það verður að elda fiskinn undir beru lofti á gasi og það var gert í dag.   Frekar flott, finnst mér:)

 

 

 

 

 

 

 

 

Við vorum svo heppinn að það var afgangur af skötunni í dag og fengum við skötu til að hafa í matinn hér á heimilinu í kvöld.  Þvílik hamingja og borðuðu strákarnir allir mjög vel.  Þeir hafa auðvitað verið aldir upp við að fá skötu á hverju ári og hlakka til að bragða fiskinn... glæsilegt bara.  Emil gaf bræðrum sínum ekkert eftir í kvöld og bað um ábót.  

Núna er hangikjötið komið í pott og hangikjötslyktin ilmar um húsið, í bland við kanillyktina.  Jólalyktin er bara góð:)

Nokkrar nýjar myndir í nýju albúmi

Kolbrún 

Athugasemdir

[Guðmundur Þór Jónsson, 23.12.2007 kl. 19:50]

Glæsilegar myndir. Frábært að safnast svona saman....þið eruð eins og ein lítil fjölskylda Gaman að hafa heyrt í þér Kolla. Gleðileg jól og hafið það sem best kv: Jól-mundur.

[Anna Gísladóttir, 24.12.2007 kl. 01:20]

Gleðileg jól og farsælt komandi ár !
Takk fyrir allt sem þú hefur gert fyrir okkur á árinu sem er að líða