Ég ætlaði svo sannarlega ekki að borða pasta í kvöldmat:(

Nei, ég ætlaði svo sannarlega að vera í flugvél akkúrat núna á leiðinni til London og í kvöld áttum við fjölskyldan pantað borð á Planet Hollywood í hjarta Lundúna.... 

En engin ræður víst sínum næturstað.  Það er löngu ákveðið að við fjölskyldan ásamt tengdaforeldrum mínum ætluðum að eiga skemmtilega fjölskylduhelgi í London þessa helgi í tilefni af afmæli tengdapabba míns, en svona geta hlutirnir breyst með engum fyrirvara.  Það sem í raun gerðist sem varð til þess að við fórum ekki neitt í dag var tvennt.  Í fyrsta lagi ætluðu Hlynur og pabbi hans á leik á Old Trafford á laugardaginn og er fyrir lifandis löngu búið að kaupa miða á leikinn.  Þegar við svo náðum í miðana þá kom í ljós að Manchester er búin að fresta leiknum til sunnudags.  Hvernig geta þeir gert þetta.  Við áttum flug aftur heim á sunnudag þannig að það hefði verið vonlaust að ná flugvél heim því að það er svo löng lestarferð yfir til Manchester.  En við ákváðum nú þrátt fyrir þetta að velja okkur það viðhorf að hafa skemmtilega helgi í London og ætluðum að skoða allt saman, fara að borða á Jamie Oliver og auðvitað ætlaði ég að skoða umrædda Hamleys dótabúð.  En þá veiktist Emil.  Hann veiktist í gær með bullandi hita, er reyndar búin að vera með grænt hor en það er svo sem ekkert nýtt, og hósta.  Við bundum vonir við kraftaverk í nótt en kraftaverkin gerast víst ekki alltaf.  Við fórum með Emil litla til læknis í morgun og hann fékk ekki grænt ljós á ferðalag til útlanda þessa helgi.  Það var því gefið út vottorð og ferðinni cancelað.  Skítt, fúlt og allt það.  En börnin verða að ganga fyrir, það er bara þannig.  Enda hefði engin haft gaman af ferð til London með veikt barn.  Við förum bara  aftur fljótlega.

Þannig fór með sjóferð þá...

Til hamingju með afmælið Hreinn, við verðum á Planet Hollywood í kvöld í anda.

Kolbrún