Slátur

Í gærkvöldi sauð ég slátur sem tengdaforeldrar mínir færðu okkur fjölskyldunni um helgina.  Ég hef prófað að taka sjálf slátur en húsbóndinn á heimilinu vildi ekki sjá það, það var ekki eins og mamma gerði það.  Ég hef því gefist upp á því að taka slátur sjálf.  Mér finnst lifrarpylsan frá SS mjög góð og kaupi MÉR hana stundum:)

En slátrið frá tengdaforeldrum mínum rann ljúft ofan í mannskapinn í gær, þvílík snilld, rúsínublóðmör og lifrarpylsa með litlum mör, það er það sem gildir fyrir fjölskylduna.  Við fengum þrjá keppi og ég var svo bjartsýn að halda að ég ætti afgang í dag en nei, allt kláraðist upp til agna í gærkvöldi.  Þvílíkur snilldarmatur, ég myndi ekki skipta á svona mat og neinu öðru.

Takk fyrir okkur

Kolbrún