FOOTLOOSE!!!!!

Ég fór að sjá Footloose í kvöld í Borgarleikhúsinu og þvílík snilld.  Mér fannst ég vera bara orðin 14 ára aftur og langaði að syngja með leikurunum. 

Í gærkvöldi leigðum við okkur myndina og horfðum á saman, ég og strákarnir.  Mest fyndið að myndin var ekki til á dvd heldur þurftum við að leigja hana á videospólu.  Vídeotæki heimilisins er ekki mikið notað og þegar við stungum myndinni í, þá var einhver fyrirstaða.  Þegar við fórum að skoða þetta nánar var einhver ónefndur heimilismaður búin að stinga kleinu inn í vídeótækið og þar sat hún auðvitað grjótföst.  En strákarnir náðu henni út með því að nota hníf og gaffal og við gátum horft á myndina...  vídeótækið þoldi kleinuna semsagt:)

Ég er nokkuð viss um að ef við hefðum ekki leigt okkur myndina  í gærkvöldi þá hefðum við ekki skemmt okkur svona vel í kvöld.  Allt var í svo fersku minni.  Leikarinn sem lék vin Arons (Rend) en hann var kallaður Mikki í íslensku uppfærslunni fór hreinlega á kostum og ég vil segja að hann hafi átt besta leikinn í kvöld. Þvílíkur snillingur.  Aðrir voru svo sem í lagi líka en auðvitað engir Hollywood leikarar og vantaði mikið upp á vel steikt BEIKON, hehe. 

Það sem kannski var síst við sýninguna var söngurinn hjá leikurunum, manni fannst vanta soldið upp á kraftinn en það hefur kannski eitthvað verið hljóðkerfinu að kenna því að kraftasöngkonur eins og Heiða Idol virkuðu hálfkraftlausar á sviðinu.  En það eiginlega skipti ekki máli, því þetta er svo mikil snilldartónlist og rifjar upp svo margar góðar minningar. 

Langt síðan mig hefur bara langað á ball.

Þið verðið að sjá þessa sýningu

Kolbrún

Athugasemdir

[Berta María Hreinsdóttir (IP-tala skráð) 24.9.2006 kl. 12:42]

Mikið er ég sammála þér Kolla.....Mikki átti stórleik og fannst mér hann standa langt uppúr:)
Söngurinn hefði mátt vera betri og skýrari og það var líka greinilegt að tæknin var eitthvað að stríða söngvurunum. Engu að síður alveg snilldar kvöldskemmtun sem maður getur alveg mælt með:)
Kveðja,
Berta María