Það er allt hægt

11.11.2007 | 22:38

Já, ég komst að því í gærkvöldi að það er allt hægt... ÞAÐ ER HÆGT AÐ SLASA SIG Í KEILU.... Ég fór í gærkvöldi með kvennaklúbbnum hér í Horsens í keilu. Við byrjuðum á því að fá okkur að borða í keiluhöllinni, hlaðborð... frábær matur, kalkúnabringur, rifjasteik, kjúklingur, allskonar tartalettur og meðlæti og salöt í tugatali....Ég valdi að vera á bíl í gærkvöldi þannig að matnum var skolað niður með kók, hehe

Eftir matinn var svo farið í keilu. Nefndin var búin að raða fólki niður á brautir og gerði það þannig að það mátti engin þekkjast sem var að spila saman. Ég var nú ekki alveg að fíla það í byrjun þar sem við Berta fórum saman á kvennakvöldið, en þrátt fyrir smá neikvæðni fannst mér þetta bara þrælgaman og kynntist þremur skvísum sem allar búa hér í Horsens. Það er skemmst frá því að segja að spilaðar voru þrjár umferðir og ég náði að tapa þeim öllum. Ég gerði margar misgóðar tilraunir til að hækka stigatöluna mína. Í næstsíðasta skoti kvöldsins tók ég þvílíka sveiflu með kúluna að ég rann til á brautinni og skall all harkalega í gólfið með fótin undir mér...og þvílíkur sársauki, ég hélt að ég hefði brotið á mér fótinn. Ég náði þó að standa upp, er óbrotinn en hef haltrað hér um í dag.... ég hef formlega tekið við af manninum mínum í haltri. Það er þokkalega hægt að slasa sig í keilu.

Tók nokkrar myndir í gærkvöldi og eru þær í nýju albúmi

Out

Kolbrún

Flokkur: Dægurmál | Facebook

Athugasemdir

Ææ Kolla mín. En veistu....æfingin skapar meistarann. Þú verður orðin góð þegar við komum í heimsókn. Er ekki hægt að hafa mannbrodda undir keiluskóm?? bara spyr. Hafðu það gott.

Guðmundur Þór Jónsson, 11.11.2007 kl. 23:30

Flott hjá þér að byrja í æfingabúðum ,það styttist í keilumótið og ekki erum við Gummi byrjuð að æfa

Guðný í Mosó (IP-tala skráð) 12.11.2007 kl. 07:37

æj æj borgaði þetta sig ..... hehehe smá skot fyrir skotið þitt, einhver hrakfalla hrina að ganga yfir okkur núna greinilega vona að þú jafnir þig fljótt