Leikskóladagur

Í dag hringdi ég í leikskólann sem Emil er að byrja á, til að staðfesta plássið.  Ég náði að staðfesta það á minni dönsku ensku og spurði svo hvenær ég ætti að koma með hann á fimmtudaginn, sem er jú 1. nóv.  Leikskólastjórinn sagði mér að ég ætti að koma á fund í dag... og vildi helst að við kæmum bara núna strax.... ég með rúgbrauð í ofninum og átti því ekki heimangengt.... samdi um að við kæmum um hádegið..  Fékk Bertu mína til að koma með mér, ég var svo hrædd um að skila ekki alveg dönskuna hjá leikskólakennaranum, hehe.

En allavega... mér líst ágætlega á leikskólann.  Emil verður á deild með Hermanni og öðrum íslenskum strák sem býr hérna beint á móti okkur í mosanum.  Ég er mjög ánægð með það.  Emil fékk að leika úti á meðan við töluðum saman.  Tvisvar kom hann grátandi inn til mín, Emil sem grætur aldrei.  Í fyrra skiptið hafði hann meitt sig á hjólinu og í seinna skiptið hafði hann ætlað að koma inn til mín og farið inn um vitlausar dyr og haldið að ég væri farin.... en ég skal alveg játa að ég fékk þokkalegan hjartslátt að heyra barnið mitt gráta á sínum fyrsta leikskóladegi.... en við skulum sjá til:)

Annars er það í fréttum helst að við erum að fá gesti frá Íslandi um næstu helgi.  Okkar fyrstu gestir til Danmerkur og gestirnir ætla að stoppa hjá okkur í heila viku og VÁ HVAÐ MIG HLAKKAR HRIKALEGA MIKIÐ TIL.

Out

Kolbrún

Athugasemdir

[Anna Gísladóttir, 29.10.2007 kl. 21:13]

Til lukku með leikskólaplássið
Hafið það sem allra best

[Guðmundur Þór Jónsson, 29.10.2007 kl. 22:58]

Glæsilegt með plássið. Skil vel að þú hafir fengið hjartslátt við að heyra grátið. Skemmtið ykkur konunglega vel með gestunum. Hafið það gott.

[Helga Jónsdóttir, 29.10.2007 kl. 23:30]

Frábært fyrir Emil litla að komast aftur í leikskóla. Verst að hann verður í leikskólanum flesta dagana sem við stoppum.  Magnús á örugglega ekki eftir að skilja það að hann sé í fríi frá leikskólanum og Emil þurfi að mæta á leikskólann.  Hlökkum til að koma næstu helgi.

Kv, Helga og co.

[Kolbrún Jónsdóttir, 30.10.2007 kl. 07:11]

hmmmm... ég hugsa nú að ég gefi Emil litla eitthvað frí í leikskólanum til að geta verið meira með magnúsi....  hann telur niður.  Bauð ekki góðan dag í morgun, heldur sýndi mér bara 4 fingur sem eru næturnar sem hann á eftir að sofa þangað til Magnús kemur

[Jóna Á. Gísladóttir, 30.10.2007 kl. 17:59]

Skil þig með að gráturinn hafi farið fyrir brjóstið á þér. En hann hefur bara verið óöruggur á nýjum stað. Heldurðu það ekki?

[Rebbý, 30.10.2007 kl. 21:12]

elsku systur, njótið ykkar í næstu viku og ekki tapa ykkur í jóladótinu