Halloween misskilningur

Í Danmörku er haldið upp á hrekkjavöku, þó skrýtið sé.  Ég held að Danir séu ekki þekktir fyrir að taka upp siði frá Bandaríkjamönnum.  Auðvitað er hrekkjarvakan hér í mun vægara formi en hún er haldin í Bandaríkjunum en samt sem áður er haldið upp á hana hér.  Okkur var sagt í síðustu viku að passa okkur á því að eiga nammi um helgina, því að haldið yrði upp á hrekkjarvökuna í Mosanum nú í dag.  Einnig hafa skapast umræður á vef íslendingafélagsins um að hrekkjarvakan hafi átt að vera í dag í Mosanum, jafnvel þótt að í raun sé hrekkjavakann á næsta miðvikudag samkvæmt dagatalinu.

Við settumst því niður fjölskyldan í morgun og útbjuggum nammipoka til að gefa þeim börnum sem myndu banka hér upp á - ekki viljum við fá hrekkinn takk:)  Strákarnir höfðu virkilega gaman af því að setja nammið í poka og skreyta pokana.  Það varð reyndar soldil rýrnun á namminu vegna þess að Emil hélt að hann þyrfti að prufukeyra alla molana áður en þeir rötuðu í pokana.  Það skal tekið fram að engir molar eru þó prufukeyrðir sem eru í pokunum, tihi

En til að gera langa sögu stutta, þá var engin hrekkjarvaka í mosanum í dag.  Soldil vonbrigði, sérstaklega hjá miðsyni.... en hrekkjarvakan verður trúlegast bara á miðvikudaginn eins og samkvæmt dagatalinu.   Þeir hafa þá eitthvað til að hlakka til og nammipokarnir skemmast ekki inn í búri:)

Við fjölskyldan fórum í dag til Árósa í heimsókn til Kiddu.  Hún bauð okkur í snilldar kjúklinga fajitas og áttum við mjög skemmtilegan dag með henni í dag.. kærar þakkir fyrir okkur elsku Kidda.  Hlakka til að hitta þig næst í leynivinaleiknum okkar, hehe 

Annars fátt markvert héðan frá okkur meira... en ég setti inn fullt af nýjum myndum í nýtt albúm.

Njótið og góða helgi

Kolbrún out

Athugasemdir

[Kristbjörg Þórisdóttir, 27.10.2007 kl. 19:48]

Æ æ, var svo ekkert Halloween... þið eigið það þá inni bara. Takk fyrir komuna og alla hjálpina enn og aftur. Svíf á bleiku þráðausu SMART skýi .

[Berta María (IP-tala skráð) 27.10.2007 kl. 20:50]

Hlaut að vera Kolla......ég var búin að gera nammi klárt fyrir daginn áður en ég fór í vinnu en svo sagði Raggi þegar ég kom heim áðan að það hafi bara enginn komið:) Ég er bara ánægð með að þetta er á miðvikudaginn, þá get ég verið viðstödd þegar krakkarnir koma

[Guðmundur Þór Jónsson, 28.10.2007 kl. 06:05]

Jæja, þá eruð þið bara til búin að pokana í dyragættinni. Skrítið að Danir skuli halda upp á Halloween, hefði ekki dottið það í hug. Hafið það gott.