Horsens kommune

Í Horsens eru reglur um innskráningu inn í landið.  Þegar þú flytur til Horsens verður þú að fara í ráðhúsið (Horsens kommune) innan 5 daga frá því að þú kemur til að láta skrá þig inn í landið.  Þegar þú svo ert skráður inn í landið, færðu nýja kennitölu, danska kennitölu, cpr nummer. 

Við fórum á mánudaginn í síðustu viku til að skrá okkur inn í landið.  Hlynur er auðvitað skráður síðan í sumar en við hin áttum eftir að skrá okkur inn.  Það eru þónokkrir pappírar sem þú þarft að skila inn til að fá að skrá þig inn í landið, fæðingarvottorð allra innskráðra, hjúskaparvottorð okkar Hlyns, afrit af vegabréfi og svo auðvitað umsóknin.  Við vorum með alla okkar pappíra á hreinu og gerðum allt eins og við áttum að gera... allavega héldum við það:)

Í dag fórum við aftur niður í kommúnu til að sækja um leikskóla fyrir Emil og til að sækja um húsaleigubætur.  Þegar við vorum að skrifa umsóknirnar fundu starfsmenn kommúnunnar ekkert um okkur.... við vorum ekki til í kerfinu hjá þeim.  Okkur var hringlað á milli starfsmanna og í hvert skipti sem við þurfum að tala við nýjan starfsmann þurftum við að taka nýtt númer og bíða í korter til tuttugu mínútur.  Ég var hreinlega að tapa mér þarna í dag.  Það undarlegasta var að konan sem við byrjuðum að tala við, hún talaði líka við okkur síðust.... og það var nota bene sama konan og sá um innskráningu okkar fyrir viku síðan.  Þegar við höfðum farið á milli starfsmanna í heilan klukkutíma, þá sagði hún að við hefðum tekið umsóknina með okkur heim í síðustu viku og þessvegna værum við ekki til í kerfinu... hún sagðist muna eftir þessu og ekki getað náð í okkur , því hún hafði engin símanúmer.... arggggg  afhverju gat hún ekki sagt okkur þetta klukkutíma fyrr.  Það hefði allavega sparað einhvern pirringin.

Við fórum heim og auðvitað fundum við pappírana sem vantaði upp á innskráningu okkar inn í landið, þeir voru í möppunni með vegabréfunum.  Það þurfti því að gera aðra ferð niður á kommúnu eftir hádegi og nú á þetta víst að ganga segja þeir. 

Á morgun þurfum við því enn einu sinni að fara niður á kommúnu til að ganga frá þeim umsóknum sem við fylltum út í dag... það er víst ekki hægt að sækja um neitt hér ef maður er ekki til í kerfinu....

En vonandi er fall fararheill en það er þó alveg víst að kommúnan er ekki minn besti vinur í augnablikinu.

Out

Kolbrún

Athugasemdir

[Guðmundur Þór Jónsson, 15.10.2007 kl. 19:29]

Dísess, ég hefði TAPAÐ mér...bara láta það koma Kolla. En gott að þetta er að komast hjá, svo að Emil geti nú farið á leikskóla og þið verið lögleg í Horsens. Hafið það gott.

[Friggja (IP-tala skráð) 15.10.2007 kl. 19:57]

Það var heppilegt að þú lentir ekki á líka á "klemmudegi".  En því færð að kynnast á vordögum.  Í Danaveldi er nefnilega lokað á opinberum stöðum á "klemmidögum" en það eru þeir dagar sem koma á milli fría  s.s. uppstigningardagur á fimmtudegi, þá er lokað á föstudegi.  Þá þarf maður að bíða fram á mánudag eða í heila 4 daga.  Þeir kunna vel á kerfið danirnir, vantar svona á Íslandi fyrir hinn vinnandi mann hjá hinu opinbera.

[Helga Jónsdóttir, 15.10.2007 kl. 23:10]

Það mætti halda að þú hefðir verið í TR (Tryggingastofnun Ríkisins).  Það er leiðinleg stofnun að eiga við og lýsingarnar eru ekkert ósvipaðar hjá þér varðandi þetta.  Vonandi fer þetta að ganga svo Emil geti farið á biðlistann fyrir leikskóla.

[Vilborg, 16.10.2007 kl. 16:05]

Alltaf "gaman" að kljást við kerfið....skiptir greinilega ekki máli hvar í heiminum kerfið er....alltaf "gaman"!

Velkomin út aftur!!!  Bið að heilsa körlunum þínum!