Bambagarðurinn heimsóttur í dag

Við heimsóttum bambagarðinn í Árósum í dag.  Bambagarðurinn er í Thors skov sem er eiginlega í miðbæ Árósa og er garðurinn opin fyrir alla, en það eru fullt af Bömbum í garðinum sem eru lausir.  Gestir sem koma í garðinn taka með sér gulrætur og epli til að fóðra bambana og auðvitað gerðum við það líka. 

Ég get nú ekki sagt að hann Emil minn hafi verið til fyrirmyndar í garðinum í dag.  Ég veit ekki hvaða samlíking er best til að segja ykkur frá þessu... en þegar beljunum er sleppt út á vorin er kannski ágætis samlíking.  Hann Emil hreinlega hljóp inn í garðinn og hljóp á eftir öllum bömbunum, bambarnir urðu dauðhræddir og hlupu í burtu og Emil á harðaspretti á eftir þeim... omg ég vildi að ég ætti þetta á vídeó.  En auðvitað er þetta ekkert fyndið, því að það má ekki vera með læti í garðinum.... en hann Emil minn var ekki mikið að spá í það í dag.... 

Hann hefur reyndar bara almennt átt frekar erfiðan dag... svo seinnipartinn kom skýringin.  Hann er kominn með magapest og hefur setið á dollunni í dag með bullandi niðurgang... skemmtilegt!!! 

Ég setti nýjar myndir inn í nýtt albúm í kvöld og bíð góða nótt

Kolbrún out

Athugasemdir

[Helga Jónsdóttir, 14.10.2007 kl. 21:04]

Ææ skemmtilegur tími framundan hjá þér eða þannig.  Vonandi fá ekki allir á heimilinu magapestina og vona að Emil verði fljótur að jafna sig.

[Guðmundur Þór Jónsson, 14.10.2007 kl. 23:15]

Eftir að hafa séð Emil í Smáralindinni þá get ég sko alveg ímyndað mér hann í garðinum. En þurfið þið ekki að hafa lífvörð með ykkur í garðinn ef þið verðið bitinn eða eitthvað?? Vonandi nær Emil sér fljótt. Bata kveðjur á hann. Hafið það gott.

[Berta María Hreinsdóttir, 15.10.2007 kl. 08:47]

Æi greyið....ekki nema von að hann kvartaði um í maganum í gær Vonandi verður hann fljótur að jafna sig, Hermann verður ekkert rólegur í marga daga án Emils