MEGA 9 ÁRA STRÁKAR VERA AÐ ÆFA SUND ÁN STURTUVARÐAR????

Mér er heitt í hamsi, vægt til orða tekið.

Við hjónin skráðum stóru strákana á sundæfingar hjá sundfélaginu Ægi í vetur.  Æfingarnar fara fram í Ölduselsskóla sem er rétt hjá heimili okkar og strákarnir eru mjög ánægðir með sundið og hlakka til að fara á æfingar.  Það var svo boðað til foreldrafundar í kvöld og auðvitað mætti frúin á heimilinu á foreldrafundinn.

Þar fékk ég að vita að það er engin sturtuvörður í búningsklefanum hjá strákunum og yfirhöfuð engin karlkyns starfsmaður.  Strákahópurinn sem æfir sundið er eftirlitslaus í sturtu og búningsklefanum.  Ég get sem foreldri á engan hátt sætt mig við þetta fyrirkomulag.  Einelti sprettur oft upp í sturtu og búningsklefum, slysahættan er mikil þar sem um er að ræða hál gólf og auk þess bíður þetta upp á allskonar fíflalæti í hópnum, handklæðaslag og fleira.

Er þetta löglegt?  Er það löglegt að 9 ára börn séu ein í sturtu og búningsklefum með hóp að strákum á sama aldri án eftirlits.  Mig langar mikið að komast að því og mun leita mér upplýsinga um það í vikunni. 

 

Kolbrún

Athugasemdir

[ammatutte (IP-tala skráð) 13.9.2006 kl. 15:41]

Kolbrún, þetta er ekki einstakt tilfelli og alveg glatað að það skuli vera látið viðgangast.
Mér finnst foreldrar alltof atkvæðalitlir þegar kemur að málum sem þessu. Það verður aldrei neitt lagfært nema þeir láti til sín heyra.