Hvar er hinn sokkurinn???

Tími á smá blogg held ég.... er búin að vera voða andlaus síðustu daga.

Í dag hef ég verið að reyna að vinna upp úr þvottakörfunni, alltaf verð ég jafnánægð þegar það tekst en furða mig alltaf á því hversu fljót hún er að fyllast aftur.  Eilífðarverkin:) Í raun eru þvottarnir á heimilinu leiðinlegasta heimilisverkið að mínu áliti, það er kannski allt í lagi að setja í vélina sjálfa og henda í þurrkarann.  En þegar kemur að því að brjóta svo þvottin saman og ganga frá honum koma veikleikar mínir í ljós.  Það er kostur/ókostur í þvottahúsinu mínu að það er borð, stórt borð, fyrir ofan þvottavélina og þurrkarann og alltaf kemur sama röddin í hausinn á mér þegar þurrkarinn er losaður, bara setja þvottinn upp á borðið og ganga frá honum seinna.  Áður en ég veit af er borðið orðið FULLTTT af þvotti. 

Það sem mér hefur alltaf fundist undarlegast við það að brjóta saman þvottinn á heimilinu eru sokkarnir..... hvar er hinn sokkurinn.... hvernig stendur á því að það er fullur bali af sokkum á heimilinu þar sem hinn sokkurinn finnst ekki.  Étur þvottavélin hinn sokkinn???  Afhverju étur hún þá aldrei bæði pörin???  Er þetta kannski bara syndrom á mínu heimili???

Sokkakveðjur úr Breiðholtinu

Kolbrún

 

Athugasemdir

[Birna M, 10.9.2006 kl. 20:13]

Oh ég skil þig svooo vel. Þetta er minn hausverkur líka;)