Pakka Pakka

jæja, nú er búið að taka upp pappakassana á heimilinu og hefst þá niðurpökkunin.  Vandamálið er bara að ég veit ekki hvar ég á að byrja.  Allir eru að gefa mér góð ráð, byrjaðu að flokka, pakkaðu niður í einn kassa á dag, pakkaðu niður því sem þú ert ekki að nota og so on.  Hitt vandamálið er að ég hreinlega nenni ekki þessu pakkastandi... mér finnst leiðinlegt að pakka og finnst ég hafa svo rosalega langan tíma á Íslandi að það liggur ekkert á.  Ætli ég reyni nú samt ekki að taka einhverjum ráðleggingum og byrja... ég náði í kassana, það er byrjunin.  Spurningin er hvort réttir hlutir hafi ratað í kassana í kvöld hehehe

Annars sjáum við fram á góða helgi saman... ég þarf reyndar að taka mig aðeins á í húsmóðurshlutverkinu, er ekki alveg að nenna því núna.  Svo varð ég steinhissa yfir því að synir mínir kvörtuðu yfir að fá brauð með túnfiski í kvöld... Það sjálfsagt bjargar fæðuhringnum þeirra að við erum boðin í mat annaðkvöld:)

Kolbrún out

Athugasemdir

[Rebbý, 24.8.2007 kl. 22:05]

fæ kvíðahroll fyrir þig  -  eitt það leiðinlegasta í veröldinni er að pakka niður búslóðinni sinni og hvað þá þegar hinn helmingurinn er ekki með í verkinu
lucky Hlynur

[Vilborg, 24.8.2007 kl. 22:33]

ussss.....öfunda þig ekkert verð ég að segja en þú verður rosalega fegin þegar þetta er búið, það er bara svo erfitt að byrja. 

[Erla (IP-tala skráð) 24.8.2007 kl. 23:52]

Átti nokkuð að pakka þessum fallega strák í pappakassa? Erla

[Kristbjörg og mamma (IP-tala skráð) 25.8.2007 kl. 08:54]

Hæ hæ vildum bara skilja eftir smá kveðju, gangi ykkur vel að pakka og flytja og aðlagast... bestu kveðjur, Kristbjörg og mamma

[Árni Birgisson, 27.8.2007 kl. 00:11]

Blessuð vertu Kolla.

Þetta er vont en það venst.  Við fjölskyldan fluttum tvisvar á tveimur árum.  Þar fann ég mælikvarða þess að maður flytji of oft, en það er þegar þú manst hvernig þú raðaðir í kassana síðast. 

Baráttu kveðjur.