Veikindi barna.... hvað er til ráða?

Frá því að litli unginn minn fæddist, hann Emil hefur hann verið agalega oft veikur.... byrjaði með eyrnabólgum, fékk alls 15 eyrnabólgur áður en hann fékk rör í eyrun.  Þegar þessum ósköpum linnti þá tók við kinnholubólgur og það ástand varir ennþá.... Hann hefur verið nokkuð góður í sumar en byrjaði aftur á leikskólanum í síðustu viku og það er eins og við manninn mælt.... komin með kinnholubólgu... og bullandi hita....

Við hjónin erum sammála um að þessi fúkkalyf sem hafa verið á matseðli hans frá fæðingu sé allgert eitur.... hann fær í magann af þeim og fær almenna vanlíðan, sefur lítið, er mjög ör og geðvondur og ólíkur sjálfum sér.  Það er ástæðan fyrir því að hann er ekki komin í lyf í dag.... við ætluðum að bíða og sjá.... en bíða eftir hverju hugsaði ég þegar ég mældi hann með 38.5 í morgun.... hann verður svona í marga daga og lagast ekki fyrr en með meðferð.... þetta er bara orðið óþolandi ástand, auðvitað mest fyrir hann sjálfan en það bitnar ekki síður á fjölskyldunni og vinnu okkar hjóna. Við erum reyndar mjög heppinn að eiga frábæra tengdaforeldra sem hafa gripið inn í þetta ástand þegar við biðjum um það og við erum mjög þakklát fyrir það.... veit ekki hvernig foreldrar fara að þegar börnin eru alltaf veik og engin sem getur hjálpað til..... trúlega geta foreldrar misst vinnuna mjög auðveldlega enda eru ekki margir veikindadagar á ári sem eru ætlaðir til að foreldrar geti verið heima með veikum börnum sínum. 

Tek það fram að hann er búin að fara í blóðrannsókn til að athuga hvort það sé eitthvað undirliggjandi fyrir þessum tíðu veikindum en hann glansaði á því prófi.

Best að reyna að ná í lækninn hans

Kolbrún

 

Athugasemdir

[Læknanemi... (IP-tala skráð) 14.8.2006 kl. 09:57]

Það er rétt hjá þér að það á að forðast það í lengstu lög að stja barnið á pensillín. Börnin verða hálfónæm fyrir því með tímanum. Ég er líka ekki viss um að setja rör í eyrun hafi verið rétt ákvörðun. Læknar eru alveg að hverfa frá því að setja rör í eyrun á börnum. Þeir gera það helst ekki nema undan þrýstingi frá foreldrum sem krefjast þess. En það þykir heldur úrelt lausn. Ég myndi frekar leita ráða hjá öðrum lækni ef ég væri þú :)

[Hulda Dagmar Magnúsdóttir, 14.8.2006 kl. 12:55]

Ég þekki það vel að vera með veikt barn. Mín var nánast stöðugt á pústi og pensillín skömmtum fyrstu fimm árin. Mig langar bara að vara þig við pensillíninu.... mikil og langvarandi notkun étur upp tennurnar í börnunum. Ég veit að þegar maður gengur um gólf svefnlaus og úttaugaður sólahringum saman með grátandi barn, þá er fyrsta hugsunin þegar barnið loksins sofnar ekki um hvort tennurnar hafi verið burstaðar. Maður getur hinsvegar fengið að súpa seyðið af því síðar.

Vonandi að þetta fari að ganga yfir hjá litla greyinu. Gangi ykkur vel.