Skólastarf í grunnskólunum

Nú fer blessaður grunnskólinn að fara í sumarfrí hjá strákunum mínum og ég segi nú bara, þó fyrr hefði verið.  Ég er eiginlega hund pirruð yfir skólastarfi strákanna minna síðustu daga.  Annar á að mæta kl 10 einn daginn, hinn kl 9.  Annar er að fara í húsdýragarðinn, hinn er að fara í Elliðadalinn.  Annar má hafa með sér bakkelsi úr bakaríinu, hinn ekki.  Annar er búin kl 11 í dag, hinn kl 12.  Annar á að koma með 700 kall í skólann í dag, hinn á að koma með 500 kall í skólann á morgun.  Öll kennsla er löngu búin í skólanum og skólinn virðist bara vera að drepa tímann út vikuna, börnin mæta stutt í skólann alla daga og þegar ég spyr hvað þeir hafi verið að gera, þá bara...úti að leika og að horfa á vídeó.

Ég held að börnunum þætti bara betra að skólanum lyki fyrr að sumrinu og það væri hefðbundin skólin þá þangað til.  Þetta er bara rugl eins og þetta er núna, allavega finnst mér það sem foreldri.

Þegar strákarnir mínir komu heim í dag fór ég með þeim í Perluna og við fengum okkur ís.  Frábær dagur hjá okkur.  Ég hef ekki oft komið í Perluna í þessum tilgangi og mér fannst sérstaklega gaman að fylgjast með mannflórunni á fjórðu hæðinni í Perlunni.  Þarna voru að mér sýndist saumaklúbbar, fólk með námsbækur, fólk í viðtölum fyrir einhver tímarit, ljósmyndarar að taka myndir af tímaritafólkinu, fólk að lesa blöðin og auðvitað fullt af útlendingum.  Sérstök stemming, við hliðina á ísbúðinni er svo jólabúð og minjagripabúð.  Minnsta syni fannst gosbrunnurinn mjög spennandi í Perlunni í dag og hann hafði svo hátt þegar hann gaus að það glumdi í allri Perlunni, hann raskaði ró þeirra sem höfðu sest í rólegheitum með kaffibollann sinn:)  En það eina sem hann sagði (bara soldið mikið hátt) var VÁ VÁ VÁ  Mamma sjáðu vatnið fara upp.

Out

Kolbrún

Athugasemdir

[Kolbrún Jónsdóttir, 6.6.2007 kl. 20:47]

Þetta er nú ekki búið hjá mínum strákum.  Það er vorferðalag á morgun og svo er afhending einkunna og skólaslit á föstudaginn.

Boys will be boys... þeir hafa ekki neinn sérstaklega mikinn áhuga á prófum og einkunnum... spyrjum að leikslokum:)

[Rebbý, 7.6.2007 kl. 14:45]

well - taka mig kannski til fyrirmyndar og láta aðra læra fyrir sig .... Kolla mín, takk fyrir einkunnirnar mínar

[Jóna Á. Gísladóttir, 7.6.2007 kl. 23:31]

ég er svo sammála þér. Skólinn var lengdur, en til hvers??