Stubbalubbar

Hárgreiðslustofan Stubbalubbar græddu á mér í dag.  Ég hafði pantað tíma fyrir yngsta son þar í klippingu fyrir heilli viku síðan (já það er vikubið eftir klippingu fyrir börn) og hann átti tíma seinnipartinn í dag.  Það er skemmst frá því að segja að drengurinn sat í bílahárgreiðslustólnum í 30 mínútur og sprautaði vatni út vatnsbrúsa stofunnar á gesti og gangandi og kom nánast óklipptur út.  Drengurinn hlýtur að vera með hálsríg, þvílíkt viðbragð í aðra átt hjá honum þegar skærin komust nálægt honum.  Fyrir þetta borgaði ég næstum 3000 kr.

Ég veit ekki til hvaða hárgreiðslustofu ég á næst að styrkja, það er allavega alveg ljóst að drengurinn þarf á klippingu að halda.

Kolbrún out

Athugasemdir

[Erla (IP-tala skráð) 22.5.2007 kl. 22:42]

Líst vel á að þú farir til Elísabetar hún er öllu vön.

                                         Erla

[Þóroddur (IP-tala skráð) 22.5.2007 kl. 23:18]

Drengurinn er greinilega ekki sammála þér um þörfina.  Láttu hann ráða hvenær hann fer í klippingu.  Læddu smátt og smátt inn því sem er neikvætt við að hafa sítt hár. Bursta oftar og lengur, ekki eins auðvelt í þrifum og meiri hárnæring.  Stinga upp á tagli og fléttum, þurfa dúlla við það.  Segja honum hve frábært það er að hann vilji hafa hárið villt.  Hugsanlega vill hann fljótlega láta klippa sig.  Þetta gæti virkað,  gerir reyndar ekki í öllum tilfellum.