Á ferðalagi

Við hjónin lögðum í langferð í dag.... tja ef langferð skal kalla.... en okkur fannst það allavega vera langferð með þrjú börn í aftursætinu sem voru enganveginn að nenna að sitja í bíl.  Fyrsta stopp var Hveragerði.... sjoppan heimsótt og jú, það var til mjúkur Prince.... næsta stopp átti að vera Árnes en þar var hátíð hjá Kanaríförum og við ætlum að kíkja á foreldrana í smá kaffi.... tókum reyndar smá krók og fórum á Eyrarbakka,  sennilega það minnistæðasta frá ferðinni í huga unglinganna okkar, því þeir veltu fyrir sér hvernig Litla Hraun væri í samanburði við Prison Brake.... Náðum loksins á áfangastað.... farið aftur í sjoppuna og keypt kaffi og ís fyrir börnin..... stelpan í sjoppunni ætlaði aldrei að ná því að kallinn vildi fá kaffi.... enda nýfermd kannski.... næsta stopp var Eden í Hveragerði á heimleiðinni.... strákarnir vildu fá að fara í spilakassana.... en þeir eru víst farnir.... langt síðan við fórum í Eden maður.... nú var bara komið spilakassar fyrir fullorðna, gullnáman.... strákarnir frekar fúlir með Eden...... ætluðum að kaupa lítinn bíl fyrir yngsta soninn til að hann hefði eitthvað til að leika með yfir Hellisheiðina og því var síðasta stopp í Essóstöðinni í Hveragerði.... snilld.... hann fékk bílinn og á meðan ég hljóp inn og keypti hann kom gamall maður út úr bensínstöðinni og settist inn í bílinn sinn sem var við hliðina á okkar, reif út úr sér tennurnar og setti á mælaborðið og teygaði svo vindilinn í sig af mikilli áfergju.... hef aldrei séð annað eins og Hlynur hreinlega brunaði af stað skellihlæjandi, horfandi á gómana tvo á mælaborðinu rétt við hliðina á okkur... já, við erum greinilega bara ekki miklir ferðalangar við fjölskyldan, því við vorum bara mest feginn þegar við komum í menninguna aftur.

Kolbrún