Foreldrar sem fá "lánaða" fermingarpeninga barnsins síns....

Ég hef greinilega ekkert að gera.  Ég var að lesa umræður inn á barnaland.is.  Þar er ein umræða sem ég staðnæmdist við og las.  Nú eru fermingar að klárast.  Einhver hafði póstað þar inn hvort fólki þætti í lagi að foreldrar fengju lánaða fermingarpeninga barnanna sinna.  Ég hef enn ekki fermt mína stráka, en ég hafði hreinlega ekki hugmyndaflug í að einhverjir foreldrar fengju fermingarpeninga barnanna sinna "lánaða", enda hef ég alltaf hugsað málið þannig að fermingarpeningar strákanna minna færu beint inn á framtíðarreikningana þeirra.  Við erum fyrir löngu síðan búin að stofna fyrir þá framtíðarreikninga og við látum skuldfæra inn á þá alla mánaðarlega.  Það stakk mig svo þegar ég var að lesa þessa umræðu inn á barnaland.is hversu margir þar hefðu lánað foreldrum sínum fermingarpeningana sína og aldrei séð krónu af þeim... einnig voru einhverjir sem höfðu í góðri trú lagt fermingarpeningana sína inn á reikning og svo gripið í tómt þegar það átti að taka þá út... mér finnst þetta bara vera stuldur, stuldur frá börnunum sínum.  Síðasta sort finnst mér.

Kolbrún out