Sonur minn og Sigur Rós

Hljómsveitin Sigur Rós á alltaf smá hluta af hjarta okkar fjölskyldunnar.  Fyrir tveimur árum þegar hljómsveitin gaf út sína síðustu plötu auglýstu þeir eftir börnum í áheyrnaprufu til að taka þátt í myndbandi við eitt af nýju lögunum.  Elsti sonur minn fór í áheyrnaprufu sem var haldin hjá módelsamtökum einhverjum á Hverfisgötunni og komst áfram í aðra prufu.  Það var svo hringt í hann og honum tilkynnt að hann hefði fengið hlutverk í myndbandinu.  Við tóku strangir dagar hjá 10 ára gömlu barni.  Í heila viku keyrðum við hann kl 6 á morgnana í einhverja rútu sem fór með krakkana á Reykjaneskjálkann og þar eyddu þeir deginum fram á kvöld við upptökur á myndbandinu.  Elsta syni mínum fannst þetta æðislegt og þegar myndbandið var svo tilbúið fékk hann laun fyrir, 10.000 kr og auðvitað disk með myndbandinu.  Þetta var hans fyrsta launaða vinna um ævina og vinna sem hann hafði mjög gaman af. 

Ég óska Sigur Rós velgengis í mörgum verkefnum sem eru framundan hjá þeim

Kolbrún out

Afkastamikil Sigur Rós