GARÐLIST

Í fyrra veittum við hjónin okkur þann munað að láta fyrirtækið Garðlist sjá um að klippa, úða og slá garðinn einu sinni.  Við hreinlega erum ekki með græna fingur og það þurfti að gera þessa hluti.  Aftur á móti er garðurinn ekki stór þannig að það ætti svo sem ekki að vera mikið mál fyrir okkur að slá þennan reit.  Maðurinn minn reyndar lenti í heldur óskemmtilegri reynslu í fyrrasumar í garðinum við slátt, og kannski að það hafi áhrif á kaup okkar síðusta sumar að fá þjónustu hjá Garðlist, hann var að slá og rekur sláttavélina í runnann og áður en hann vissi af voru hundruð geitunga sem réðust að honum og átti hann fótum sínum fjör að launa inn í húsið aftur. 

Ég gæti trúað því að fyrirtækið Garðlist hefði ekki næg verkefni þessa dagana.  Að kvöld sumardagsins fyrsta, kl 21:30, var hringt í okkur hjónin frá fyrirtækinu og voru þeir að spyrja hvort við vildum úðun eins og í fyrra.  Hjá mér er sumardagurinn fyrsti frídagur og ég eiginlega kann ekki við að fá svona símtöl að kvöldi frídaga, þannig að ég afpantaði pent, kannski of pent, því að ég var frekar pirruð yfir svona símtali á svona degi. 

Ætli við sleppum ekki bara úðun í ár!!!

Peace

Kolbrún

Athugasemdir

[Guðný Anna Arnþórsdóttir, 21.4.2007 kl. 01:45]

Takk fyrir notaleg orð á blogginu mínu, kæra kona. Sömuleiðis takk fyrir öll þín frábæru störf. Já, sleppiði bara úðuninni....

[Ingi Geir Hreinsson, 21.4.2007 kl. 09:39]

Mér segir svo hugur að blessaður bróðir minn þakki þér lítið þennan póst. HAHAHAHAHA, á flótta inn í hús. Óborganlegt. Gerið bara eins og ég hef alltaf sagt, malbika og málaða grænt.