Verður sumarið 2007 gott sumar?

 

Gleðilegt sumar kæru vinir og félagar, og takk fyrir veturinn

Þegar ég var á leið heim úr vinnu í gær um miðnættið, þá leit ég á hitamælinn í bílnum og sá að það var tveggja stiga frost úti... og í fréttum mbl í dag kom fram að vetur og sumar hefðu frosið saman, það veit vonandi á gott sumar. 

Við fjölskyldan áttum öll frí í dag, sumardaginn fyrsta.  Dagurinn var skemmtilegur, bara heldur fljótur að líða eins og allir frídagar sem við eigum saman.  Við tókum góðan ísrúnt um hádegið og skoðuðum brunarústir gærdagsins í miðbænum.  Sorglegt:(  Um miðjan dag fórum við í æðislega kökuveislu hjá Ragga og Bertu, en Raggi á afmæli í dag.  Minnsta Hlynssyni finnst svo gaman að fara og hitta Hermann að hann beið í allan dag eftir að komast í Álfaborgirnar.  Þeir léku sér í Bubba Byggir leik allan tímann og auðvitað vissum við varla af þeim

Þegar við svo komum heim fór húsbóndinn út og kveikti upp í grillinu og afraksturinn var hreint dásamlegt lambalæri með heimatilbúnu kartöflusalati og tilbehör.

Frábær byrjun á sumrinu...við bjóðum sumarið velkomið

Sólarkveðja

Kolbrún