Tour de iceland

Gleðilega þjóðhátíð kæru vinir

þjóðhátíðardeginum eyddum við fjölskyldan meðal annars með því að fara í Smáralind þar sem húsbóndinn á heimilinu fór og keypti sér REIÐHJÓL og nú á sko að fara að taka á því.  Í raun byrjaði Tour-in strax í dag við Smáralindina því ekki var hægt að taka hjólið í fína bílaleigubílinn okkar og því þurfti húsbóndinn að hjóla heim.... mér skilst að brekkan upp í Seljahverfið hafi verið mjög erfið.... flíspeysan sem hann valdi sér í aðlögunina mjög blaut, allavega lét hann ekki sjá sig á efri hæðinni fyrr en hann var búin að taka þokkalega sturtu. Spurning hvort ekki verði að fjárfesta í hjólreiðafestingu í nýja bílinn þannig að suma daga væri hægt að sækja hann í vinnuna og hjólið með:)  Elskulegum eiginmanni mínum datt í hug í dag að fara að kaupa sér jogginggalla til að nota á hjólinu og þegar hann var búin að ropa því út úr sér, þá lágum við bæði í hláturskasti hér í örugglega korter.... Hlynur minn í jogginggalla að hjóla á Bústaðaveginum, það gæti einhver séð hann, hahahahahahahah.... og hann er nú ekki sá minnst snobbaði á föt almennt.

En nóg um það, ég vona að hann fyrirgefi mér að blogga aðeins um þetta, það var bara svo gaman hjá okkur í dag:)

Ég fór með honum í Smáralindina og í staðinn fór hann með mér í Bónus, nýju búðina sem var að opna í dag í Ögurhvarfinu.... hagsýna húsmóðirinn ég ætlaði sko að verða fyrst til að ná bestu opnunartilboðunum og mætt kl 10 í morgun í kílómetralanga röð.... náði því sem ég vildi út úr þessari búðarferð og tók mig bara rúman hálftíma.... og inn í þeim tima er sá tími sem fór í að hlusta á opnunarræðu Jóhannesar í Bónus og bæjarstjórans í Kópavogi, Gunnars Birgissonar.

X-Jóhannes

X-Bónus

Besta launahækkun sem við höfum fengið

Kolbrún

 

Athugasemdir

[Berta María (IP-tala skráð) 17.6.2006 kl. 21:10]

Snilld.....ég styð Hlyn í því að hjóla í vinnuna....hann á hrós skilið:) Brekkan í Seljahverfinu verður auðveldari með hverjum deginum sem hann hjólar hana, ég er viss um það, hehe:)
Kv. Berta