17. apríl

Eins og ég hef áður getið, þá á miðsonurinn hann Hafsteinn afmæli í dag.  10 ára í dag og að því tilefni var efnt til bekkjarpartýs í dag, enn eru það bara strákarnir sem fá boðskort..... hvað skildi vera langt í að stelpurnar verði líka velkomnar?

Í bekkjarpartýinu í dag var útigrillið notað í fyrsta sinn á þessu vori.  Boðið var upp á grillaða hamborgara að hætti afa, minnsti sonur fékk líka aðeins að hjálpa til.  Hamborgarnir runnu ljúft ofan í stóran hóp stráka og óhætt er að segja að það sé búið að vera líf og fjör á heimilinu í dag. 

 Strákahópurinn sem taldi 11 stráka, alla strákana í bekknum hans Hafsteins sungu að sjálfsögðu afmælissöngin fyrir afmælisbarnið...  Semsagt skemmtilegur dagur í breiðholtinu í dag 

Að öðru,

Um nokkrurra mánaða skeið tók ég að mér smá aukavinnu hjá SSR.  Nú er komið að leiðarlokum í því verkefni og kvaddi ég starfsfólkið þar í gærkvöld.  Einn starfsmaðurinn gaf mér ótrúlega fallega kveðjugjöf, pínulítið búddalíkneski sem hann lagði í lófann minn og óskaði mér gæfu og góðs gengis í framtíðinni.  Mér þykir alveg ótrúlega vænt um að fá svona frá samstarfsmanni, það virkar eins og vítamínsprauta til halda áfram á sömu braut.  Í aukavinnunni kynntist í ótrúlega mikið af fólki sem ég á eftir að sakna að vera ekki í daglegu sambandi við, en um leið er ég þó ríkari af því að hafa kynnst öllu þessu frábæra fólki.

Out

Kolbrún