Kjaftagangurinn á Íslandi

Ég hef um nokkurt skeið fylgst með ungri konu og baráttu hennar við krabbamein.  Kona þessi heldur úti bloggsíðu en auk þess hefur hún komið fram í fjölmiðlum og rætt um baráttu sína.  Krabbameinið er búið að dreifa sér og er þessi kona alveg hreint ótrúlega dugleg að sjá jákvæðu hliðarnar á lífinu enda á hún þrjú börn og hefur því mikið til að berjast fyrir.  Á næstu dögum er þessi kona að fara í krabbameinsmeðferð í New York og er í gangi söfnunarreikningur, enda er ekki gefins að sækja meðferð erlendis.  En auðvitað eru komnar kjaftasögur í gang, kjaftasögur um að þessi kona sé að misnota sér aðstöðu sína og þurfi ekki á þessum peningum að halda.  Hver ætli sé tilgangurinn hjá þeim sem koma af stað svona sögum?  Er tilgangurinn að þeim sjúka líði enn verr?  Ég held að þeir sem gefi í svona safnanir séu ekki að spá nákvæmlega í hvað hver króna sé notuð í, heldur gefi fólk því það vilji hjálpa og til að aðrir njóti.

Mér finnst svona ljótt og óska þessari konu alls hins besta.

Bloggið hennar er www.123.is/crazyfroggy

Kolbrún out

Athugasemdir

[Magnús Helgi Björgvinsson, 16.4.2007 kl. 22:25]

Var búinn að blogga um þetta líka. Mér varð hreinlega óglatt við að lesa þetta. Enda þegar maður les athugsemdirnar hjá henni þá kemur þar ein frá pabba hennar sem stofnaði þennan reikning. EN það er Vilhjálmur (Villi rakari) þar fullvisar hann fólk um að dóttir hans er eins og allir vita strangheiðarleg. Og þegar maður hugsar um það. Hverning getu kona sem berst fyrir lífi sínu misnotað fé. Þessi kjaftagangur hér á landi er stundum komin út fyrir allt sem er eðlilegt.