Bílinn ónýtur:(

Já, bílinn minn er ónýtur... veit ekki einu sinni hvar hann er en hann var dregin í burtu í gær eftir harðan árekstur með bíl frá Krók.

Ég náði í Emil í gær á leikskólann kl 3 eins og venjulega og fórum við svo í bæinn ásamt Hafsteini og ætluðum svo að ná í Hlyn kl 4 í vinnuna.  Við komumst aldrei svo langt.  Á Snorrabrautinni kom maður út úr porti á fljúgandi siglingu og beint á mig þannig að bíllinn minn snérist 180 gráður og lenti á kyrrstæðum bíl.  Þvílíkt högg.  Maðurinn sem keyrði á okkur var tekin með handjárnum niðrá lögreglustöð en hann var vægast sagt í annarlegu ástandi.  Löggan hringdi í okkur í gærkvöldi og sagði að það hefðu verið teknar nokkrar blóðprufur úr honum en vitni á vettvangi sáu hann kasta frá sér sprautu. 

Við Emil fórum í tékk upp á Borgarspítala.... hann með sjokk, skalf eins og hrísla og grét og ég með tognaða öxl... Hafsteinn slapp...fer ekki í vinnuna í dag og örugglega ekki á morgun.  Voltaren rapid og rúmið mitt....

Ég er svo reið út af þessum árekstri.... að maður í svona ástandi skuli láta sér detta í hug að stíga upp í bíl og valda því að samborgarar séu í hættu.... ef hann hefði farið á okkur á aðeins öðrum stað í byrjun er spurning hvort við værum bara hreinlega öll hér í dag.... ef hann hefði lent inn í hurðinni hjá Emil litla... sem betur fer lenti hann einhverjum sentimetrum frá hurðinni hans..

Ömurlegt.

Stóru strákarnir mínir eru komnir í sumarfrí.  Fengu einkunnirnar sínar í síðustu viku.  Báðir fengu mjög góðar einkunnir... Jón Ingi líkist pabba sínum og fékk 10 í tölvufræði 9,5 í ensku.... Hafsteinn líkist mömmu sinni og fékk mjög háa einkunn í stærðfræði....

Elsku Hafsteinn minn skoðaði einkunnirnar sínar, hringdi í ömmur sína og afa og sagði þeim tölurnar og bjó síðan til skutlu úr einkunnunum.... ég sprakk úr hlátri ein inn í stofu þegar ég sá skutluna á stofugólfinu og Hafsteinn komin niður til sín í einhvern leik.... hvaðan skildi hann hafa þetta???

Jæja, svona hljóma vers dagsins

Kolbrún