Svínasúpan

10.4.2007 | 16:48

Þegar ég fluttist úr foreldrahúsum byrjaði ég að safna svínum. Ég á mjög mikið af svínastyttum, í öllum stærðum og gerðum, postulínssvín, lyklakippusvín, skartgripasvín, kristalsvín og bangsasvín... Mikið af þessum svínum hef ég safnað á ferðalögum um allan heim auk þess sem vinir og ættingja hafa verið duglegir við að færa mér svín:) Minnistæðasta svínið mitt er þó svín sem ég fékk í jólagjöf í hittifyrra frá samstarfsmanni. Hann hafði komið í starfsmannapartý heim til mín um haustið og sá svínasafnið mitt á gestabaðinu. Kl 5 á aðfangadag hringir svo dyrabjallan hjá mér og þar stendur prúðbúin samstarfsfélagi með jólapakka til mín, jólasvín sem sómar sér vel í safninu mínu.

Hingað til hefur safnið mitt fengið að njóta sín á gestasalerninu mínu. En auk þess sem ég á stórt svínasafn á ég svínasápuskammtara og klósettpappírsstanda. Í dag varð breyting á , vegna þess að nú stendur til að henda öllu út af baðherberginu og flísaleggja og innrétta upp á nýtt. Og mér hefur verið tilkynnt að svínin mín séu ekki velkominn inn á nýja gestabaðið. Ég hófst því handa í dag og færði öll svínin mín inn í glerskáp í eldhúsinu en er samt ekki nægilega sátt því þau fá ekki að njóta sín. Ég verð að leggja hausinn í bleyti og finna góðan stað fyrir svínasúpuna mína!!!

Kolbrún out

Flokkur: Dægurmál | Facebook