Frekja í fermingarbörnum

Ég las athyglisverðan pistil inn á blogginu hjá Steingrími Sævarr Ólafssyni inn á vísi.is.

Það nýjasta í fermingum er að senda út boðskort þar sem “gjafir undir 8.000 krónum eru afþakkaðar”.

Með þessu er svo sendur listi með “þóknanlegum” verslunum þar sem þeim sem ætla að gefa gjafir er bent á að versla í…fyrir meira en 8.000 krónur.

Hvað næst? Lokað útboð?

 

Maður eiginlega trúir því ekki að þetta geti verið rétt.  Ég fékk gjafir í fermingargjöf, bækur, hálsmen, svefnpoka og fleira og einhvern smá pening líka.  Hvað er eiginlega að gerast með unga fólkið okkar í dag?

Mig myndi allavega langa til að sjá svona fermingarboðskort áður en ég kaupi þetta alveg hrátt.

Kolbrún

Athugasemdir

[Georg P Sveinbjörnsson, 2.4.2007 kl. 18:59]

Með hreinum ólíkindum ef rétt er...og sorglegt um leið...sjaldan launa kálfarnir ofeldið

[Berta María (IP-tala skráð) 2.4.2007 kl. 23:06]

Sorglegt en satt! Hvar eru foreldrarnir? Ég bara spyr. Eitt er víst að ég færi ekki í fermingarveislu þar sem svona skilyrði væru sett!!!