Jay Leno vandræði

  Við förum bráðum til Los Angeles, vorum með nokkrum vinnufélögum og tilgangur ferðarinnar er að skoða tækninýjungar í starfi með fötluðu fólki.  Auðvitað ætlum við að nota ferðina og njóta þess að fá tækifæri til að skoða þessa miklu stjörnu borg.  Margt sem okkur langar að skoða á stuttum tíma þar sem nær allir dagar eru bókaðir í vinnu.  Allavega langar okkur að skoða Hollywood skiltið sem er í öllum bíómyndum, stjörnurnar í götunum, universal studios og fleira.

Við erum búin að panta okkur borð á einum af flottari veitingastöðum í Beverly Hills sem heitir Spago... spurning um að fara að hugsa um í hverju maður á að vera á svona flottum stað.

En við... allavega ég... er með þráhyggju fyrir þvi að komast á Jay Leno showið og er búin að senda nokkra tölvupóstana en það bara vill engin svara mér.... við erum jú komin á einhvern biðlista eftir miðum en það er ekki nægilegt fyrir mig.... ætli ég verði ekki bara að játa mig sigraða í þessu máli og horfa á Jay Leno á NBC stöðinni þarna úti:(   En þeir sem þekkja mig vita svo sem að ég gefst ekki auðveldlega upp.... spyrjum að leikslokum...múhahaha

Hollywood out

KOlbrún

 

Athugasemdir

[Róbert Björnsson, 7.3.2007 kl. 21:09]

Sæl Kolbrún,   þeir úthluta yfirleitt nokkrum miðum samdægurs en þá gildir að vera mætt(ur) nógu snemma.  Ég hafði ekki erindi sem erfiði því ég var mættur niðrí NBC myndver klukkan 7 um morguninn en þá var bara hlegið að mér og sagt að ég hefði þurft að vera mættur klukkan 5!   Ég lagði reyndar af stað frá hótelinu í Hollywood um 6 leitið en umferðin niðrí Burbank er yfirleitt klikkuð...sama hvað klukkan er.  En semsagt...ef þú ert mætt klukkan 5 og nennir að sitja í biðröð til klukkan 8 áttu möguleika...en þetta verður langur dagur því upptökurnar hefjast um 4 leitið!