Mamma, ég ætla að vera kóngur á morgun!!

Þetta sagði yngsti sonurinn á heimilinu.... hann ætlar að vera kóngur á öskudagsballinu í leikskólanum á morgun.  Það er svo skemmtileg hefði í leikskólanum  hjá honum.  Við foreldrarnir komum með gömul föt eða efni í leikskólann nokkrum dögum fyrir öskudaginn og svo hjálpast börnin og leikskólastarfsmennirnir að við að búa til búninga.  Allir eru í heimatilbúnum búningum og eru alveg rosalega ánægðir með það.  Síðan er haldin hátíð á leikskólanum þar sem krakkarnir fá popp eða snakk. 

Þegar við vorum með stóru strákana okkar í leikskóla þá mátti fyrstu árin koma í búning.... það var pínu metingur á milli barna hvernig búning þau fengu, sumir fengur að að vera spiderman eða eitthvað af þessum vinsælu fígúrum á meðan önnur börn fengu heimatilbúin búning og jafnvel liðu fyrir það (persónulega finnst mér flottara að vera í heimatilbúnum en börnin vilja fá að vera í búning sem er vinsæll eins og spiderman eða íþróttaálfur).  En sem betur fer kannski til að allir séu jafnir á þessum degi breyttu leikskólarnir öskudegi í náttfataball þegar stóru strákarnir mínir urðu eldri.  Mér finnst þessi hugmynd sem er á jöklaborg betri en náttfataballið, ég veit allavega að minn strákur er afar stoltur af sínum búning sem hann tók þátt í að búa til.

En þótt að börnin stækki, þá minnkar ekki tilhlökkunin fyrir öskudegi.  Á morgun ætlar húsfrúrin að vera í fríi fyrir hádegi til að keyra ungana á milli búða þar sem þeir ætla að syngja og fá nammi í staðin.  Við strákarnir höfum gert þetta svona í mörg ár og þeim finnst alltaf jafn gaman. 

Hvað varð annars um öskupokana???? 

Kolbrún