Þjáðist af KRAFT veiki

Ég átti símtal í dag við þjónustustofnun sem þjónustar tölvurnar á vinnustaðnum mínum.  Ég bað um að láta setja upp hugbúnað fyrir myndavél fyrir mig þar en setti óvart disk í drifið sem var ætlaður prentaranum... og fattaði ekki neitt.... maðurinn sem aðstoðaði mig sýndi mér mikinn skilning og sagði að þeir væru öllu vanir og tækju öllum svona mistökum með mikilli umhyggju.  Þar sem það tók smá tíma að setja inn þennan hugbúnað fór maðurinn svo að spjalla við mig.  Hann sagði mér frá konu sem hafði hringt í hann í morgun (sem vinnur á sama vinnustað og ég) og sagði honum að hún þjáðist af KRAFT veiki... maðurinn sagðist ekki hafa skilið hvað hún var að tala um og hafði aldrei heyrt talað um þessa veiki.  Konan útskýrði fyrir honum að KRAFT veiki væri veikinn CANT REMEMBER A FOKKING THING  (mér finnst reyndar eins og hann hafi sagt kannski eitthvað annað orð en fokking, en ég kem því ekki fyrir mér).  Konan var semsagt búin að gleyma passwordinu sínu og var að leita aðstoðar.

Mér finnst þetta bara húmor... en hver skildi þetta vera sem vinnur á sama vinnustað og ég sem hefur svona skemmtilegan húmor fyrir sjálfri sér.  Ég kemst sjálfsagt aldrei að því.

Ég er boðin í partý í kvöld... í "hinni" vinnunni minni.... ég er tímabundið að vinna á tveimur vinnustöðum.  Ég verð sjálfsagt aðeins að láta sjá mig þar... en skrýtið samt að vera yfirmaður á vinnustað þar sem maður er ekki alveg öruggur í hópnum og þekkir ekki starfsfólkið vel.  Ég held að ég verði að fiska mig aðeins og velja mér það viðhorf að það verði gaman í partýinu í kvöld:)

tjá tjá

Kolbrún