Markaðssetning Latabæjar

Ég átti leið í Hagkaup í dag... fer mjög sjaldan í Hagkaup jafnvel þótt mér finnist mjög gaman að versla þar.  Ég rakst þar á nýjasta trompið hjá þeim Latabæjarmönnum, límmiða til að skreyta veggi í barnaherbergjum.  Ég á lítinn íþróttaálf hér heima sem hreinlega elskar allar þessar vörur og vill eiga allt.  Mér rennir í grun að það sé það sama upp á teningnum hjá mörgum fjölskyldum. 

Ég fór spá:

Flísgallar með íþróttaálfinum, henson gallar með íþróttaálfinum, vesti með íþróttaálfinum, stígvél með íþróttaálfinum, strigaskór með íþróttaálfinum, húfa með íþróttaálfinum, útigalli með íþróttaálfinum, pollagalli með íþróttaálfinum, vettlingar með íþróttaálfinum, sokkar með íþróttaálfinum, sokkabuxur með íþróttaálfinum, nærbuxur með íþróttaálfinum, nærbolir og tbolir með íþróttaálfinum, buff með íþróttaálfinum, leikföng með íþróttaálfinum(leikfangakarlar, leikfangaútvörp, pússluspil og margt fleira), allt fyrir afmælisveisluna með íþróttaálfinum, jólamerkimiðar með íþróttaálfinum, Reykjavíkurmaraþon með íþróttaálfinum og auðvitað verðlaunapeningur með íþróttaálfinum, dvd myndir með íþróttaálfinum, geisladiskar með íþróttaálfinum, handklæði með íþróttaálfinum, hjólaskautar með íþróttaálfinum, öskudagsbúningar með íþróttaálfinum, sérstakir íþróttaálfapeningar, brauð með íþróttaálfinum, skyr með íþróttaálfinum og ég gæti haldið áfram.

Þetta kallar mann að mata krókinn, því að börnin bíta á agnið.  Ég held að boðskapur íþróttaálfsins hafi aðeins gleymst í öllu þessu latabæjarfári.

Hrikalega eru þeir góðir markaðsmenn þeir Latabæjarmenn. 

Og svo fellur maður fyrir þessu

Out

Kolbrún 

Athugasemdir

[Svavar Friðriksson (IP-tala skráð) 8.2.2007 kl. 19:16]

Já það er um að gera að blóðmjólka kúnna á meðan færi gefst!  Ekki seljast vörur merktar Spice Girls núna eða Herberti Guðmunds...eða hvað?