Brúðkaupsvikan

Það var mikið tilstand þann 12 nóvember 1994 þegar við "krakkarnir" gengum í heilagt hjónaband í Lágafellskirkju... ungfrúin gengin 7 mánuði með frumburðin en lét það ekki stoppa sig.  Brúðkaupsdagurinn okkar var yndislegur, eins og brúðkaupsdagar eiga að vera.  Á hverju ári minnumst við þessa dags með því að gera okkur einhvern dagamun og auðvitað var ekki breyting á því þetta árið.

Við áttum okkar uppáhaldsveitingarstað þegar við vorum að kynnast, en það var Veitingarstaðurinn Madonna við Rauðarárstíg.  Við endurnýjuðum kynnin við þann stað á brúðkaupsafmælinu okkar og urðum ekki fyrir vonbrigðum... allt eins og það átti að vera og maturinn fullkominn.  Við erum því að hefja okkar 15 ár í hjónabandi í þessarri viku... við fögnum vonandi enn flottara fimmtán ára brúðkaupsafmælinu, það er eitthvað svo fullorðins heh

Annars hefur vikan okkar verið alveg frábær og mikið um að vera

*  Það var frí í leikskólanum hjá Emil á mánudaginn og hann fékk að koma með mér í vinnuna.  Hann var svo glaður þegar ég sagði honum frá því að hann fór að tjá sig um það að hann hefði oft dreymt það að hann væri í vinnuni minni, en loksins fengi hann að fara í alvörunni.  Hann var auðvitað eins og ljós með mér hálfan daginn, enda nóg um að vera á mínum vinnustað fyrir svona gutta.

*  Ég fór í saumaklúbb í vikunni og það var bara í einu orði sagt frábært.  Við stofnuðum saumaklúbbinnn okkar árið 1990 og hefur hann starfað ótrauður síðan, þrátt fyrir smá útlandastand á sumum okkar.  Við erum fjórar heima a Íslandi núna og þvílík hamingja að hitta þessar stelpur aftur eftir svona langan aðskilnað.  En það vantar eina í hópinn, hún býr í Frakklandi sem stendur.  Ég hreinlega vona að þessi saumaklúbbur minn eigi eftir að endast um aldur og ævi...

*  Við Emil fórum á krakkadaga í Smáralind um helgina... hann skemmti sér mjög vel enda í góðum félagsskap með Páli Óskari, Skoppu og SKrítlu auk þess sem hann fékk andlitsmálningu þannig að hann varð eins og Spiderman sjálfur

 

 

 

 

 

 

 

 

*  Nú meira markvert... Jón Ingi kláraði sinn fyrsta kúrs í Háskólanum í Reykjavík en það var Pétur Blöndal sem hefur verið að kenna honum síðan í haust fjármálastærðfræði.... ég get ekki neitað því að ég er stolt af stráknum

*  Á föstudaginn fór ég á starfsdag í vinnunni minni en yfirskrift dagsins var  "þú ert það sem þú hugsar".  Það var Guðjón Bergmann sem var með þetta námskeið sem stóð yfir í 3 klukkustundir og þvílík upplifun að fá að sitja svona námskeið... þetta fyllti mig orku og jákvæðni og ég hreinlega fór út af námskeiðinu í háloftum.... Verst er hvað maðurinn minn hefur kvartað, því að hann segir að ég hafi fengið 3 tíma námskeið en hann hafi fengið heilt helgarnámskeið frá mér hehehe.... ég þurfti svo mikið að segja honum frá:)

*  Jón Ingi er komin með hlaupabakteríuna.... hann hleypur alla daga og í vikunni tók hann þátt í sinni fyrstu keppni í 10 km hlaupi... hlaup sem kallast poweraid hlaup.  Hann að sjálfsögðu kláraði sig flott af þessum kílómetrum og kom í mark á 51 mínútu.  Nú stefnir hann á að bæta sig í næsta hlaupi sem mér skilst að sé innan skamms.

*  Annars svo sem ekki mikið meira sem gerðist í okkar viku... við fórum að sjálfsögðu og hittum fjölskyldurnar okkar um helgina.... 

Heyrumst í næstu viku

Fullt af nýjum myndum í nyju albúmi

Kolbrún

Athugasemdir

[Rebbý, 18.11.2008 kl. 08:22]

Til lukku með brúðkaupsafmælið - já það voru börn sem stóðu upp við altarið fyrir 14 árum síðan ..... en mér finnst þetta hafa verið í gær

[Guðborg Eyjólfsdóttir, 18.11.2008 kl. 08:23]

Vá hvað það er mikið að gerast hjá þér  Mikið fjör og mikið gaman

[Berta María Hreinsdóttir, 18.11.2008 kl. 15:35]

Til hamingju með daginn kæru hjón.....mikið rosalega eruð þið sæt á myndinni:)

Það er svo gaman að sjá hvað ykkur líður vel og hvað þið eruð dugleg að gera skemmtilega hluti saman. Jón Ingi ekkert smá flottur.....hlaupagarpur í HÍ, hehe:)

Miss you BIG TIME!!!

[Anna Gísladóttir, 20.11.2008 kl. 09:46]

Til hamingju með brúðkaupsafmælið (þó svolítið seint sé ...... en betra er seint en aldrei sagði einhver snillingurinn )